தாயன்பு - இது இல்லாவிட்டால் ஏது வாழ்வு?

தாயின் அன்பில் மிகவும் திளைப்பது மகன்.

அது ஏனென்றால் - ஒவ்வொரு தாயும்,

தன் மகனில் தன் தந்தையை காண்கிறாள்

அதனாலேயே தாய்க்கும் மகனுக்கும் அப்படி

ஒரு பாசப் பிணைப்பு.

தாயின் அன்பில் திளைத்த மகன்,

எல்லாவற்றையும் தனக்காக விட்டு வந்தாளே! மனைவி

என்று உணரும்போது ஆணில் இருக்கும் தாய்மை

வெளிப்பட்டு தாயுமானவன் ஆகிறான் - இங்கு

மனைவி முதல் குழந்தை.


தாய்க்குப்பின் தாரம் என்று உணர்ந்த மனைவி

கணவனுக்கு தாயாய் மாறும்போது அவளின்

முதல் குழந்தை கணவன்.

"அப்பனுக்கு பெண் பிடிக்கும்" என்று

தனக்கொரு மகள் வேண்டும் என்று

ஆண்மகன் விரும்பக் காரணம் எது?

தன் மகளில் தாயைக் காணவிழைகிறான்.

திருமணமாகும் வரைத் தந்தையின்

கழுத்தைக் கட்டிக் கொண்டு செல்லம்

கொஞ்சும் மகளின் பிரிவை (திருமணத்திற்கு பிறகு)

தாங்க முடியாத தகப்பன்கள் இருக்கிறார்கள் என்பது

ஆச்சரியமான உண்மை!

இவ்வாறாக தந்தையின் அன்பில் திளைத்த மகள்

தன் மகனின் மீது பாசத்தை பொழிந்து

தன் மகனில் தந்தையை பார்த்து பரவசமாகிறாள்

இது ஒரு சுழலும் சக்கரம்!

இதை உணர்ந்தால் வாழ்வு இன்பம்!