C M W

C M W

I CAN DO, I MUST DO, I WILL DO.

இது தாரக மந்திரமாக எங்கள் வீட்டில்
எப்போதும் ஒலித்துக்கொண்டிருக்கும்.

என்னால் முடியாது என்று சொல்லும்
குழந்தைக்கு, இதைச் சொல்லிக் கொடுத்து
அதன் அர்த்ததை புரியவைப்பது என்று
நான் மாண்டிசோரி பயிற்சியின் போது
கற்றுக்கொண்டேன்.


என் மகள் கொஞ்சம் பயந்த சுபாவம்.
புதிதாக முயற்சி செய்யத்தயங்குவாள்.

அவளுக்கு C.M.W சொல்லிக்கொடுதேன்.
இதைச் சொல்லிவிட்டு செய்ய
முயற்சி செய், உன்னால் முடியும்
என்று பழக்கினே. அவளிடம்
"வொர்க் அவுட்" ஆனது.

எப்படியோ எங்கள் வீட்டில்
கணவரும், பிள்ளைகளும் கூட
இந்த மந்திரத்தைச் சொல்ல
ஆரம்பித்தனர்.

பரிட்சை எழுதி வெகு நாளாகிவிட்டது.
ஆசிரியைப் பயிற்சிக்கு கடைசியில்
பரிட்சை எழுதவேண்டுமே.

எனது ஆசிரியையோ கேள்வி, பதில்
மாதிரி பரிட்சை வைக்காமல்,
மொத்த பாடத்தையும், (மாண்டிசோரி
முறை உபகரணங்கள், பயிற்றுவிக்கும் முறை.
எந்த வயதுக்கு பயன் படுத்துவது,
என்ன பலன், எல்லாம் 4 பாடத்திற்கும்)
எழுத வேண்டும் என்று சொல்லியிருந்தார்.

எதன் பிறகு எது வரவேண்டும், எல்லாம்
அவர் கற்றுத்தந்த படியே வரவேண்டும்.
ஒன்றும் மாறக்கூடாது.

கேள்வி கேட்டால் பதில் எழுதலாம்.
எல்லாம் வரிசையாக ஞாபகம் வைத்திருக்க
வேண்டுமே என்று டென்ஷன்.

பரிட்சைக்குத் தயாராகினேன். (கணவர்
DADDY DAY CARE Eddy Murphy மாதிரி
பிள்ளைகளை கவனித்துக்கொள்ள
நான் ஞாயிற்றுக்கிழமைகளில் படிக்க
போனது. )பரிட்சையின் போது
கணவர் பிள்ளைகள் இருவரும் மிக
உதவியாக இருந்தார்கள்.

அந்த நாளும் வந்தது. என்னை
கணவரும், பிள்ளைகளும் உடன்
வந்து காரில் இறக்கிவிட்டனர்.
படித்துக்கொண்டே வந்தேன்.
(கணவர் யேசுதாஸ் பாட்டை
போட்டு ரிலாக்ஸ் ஆகு என்றார்.)

கிளாஸ் வந்துவிட்டது. இறங்கும்போது
மகள்," AMMA Say C.M.W. U can do it"
என்றாளே பார்க்கலாம்.

சத்தியமாக அந்த நிமிடம் அந்த
வார்த்தைகள் தந்த உத்வேகம்,
சின்ன மகள் ஞாபகமாக சொன்ன
சந்தோஷம் எல்லாம் ஒன்றாகச்
சேர நன்கு செய்து நல்ல மதிப்பெண்
கிடைத்தது.