Angeethi - பஞ்சாபி விருந்து.

ஒரு இடத்துக்கு போயிட்டுவந்தா அதப்பத்தி எல்லோருக்கும்
சொல்லிப்புடணும். முக்கியமா ஹோட்டல். அப்பத்தான்
ரசிகன், மங்களூர் சிவா எல்லோரும் வந்து காதுல புகை
விடுவாங்க. ஏதோ நம்மால ஆனது. :)

சரி எங்கபோனேன்னு சொல்றேன். ஒரு சாயங்கால நேரம்
பசங்க எங்கயாவது போகமாலாம்ப்பான்னு கேட்க
கிளம்புங்கன்னு அயித்தான் கூட்டிக்கிட்டு போனது
பஞ்சாராஹில்ஸ்.

அந்தக் கட்டிடத்தின் ஏழாவது மாடியில் நுழைந்த எனக்கு
ஒரு ஷாக். இது என்ன "தாபா" (DABBA)
மாதிரி இருக்குன்னு. அது "தாபா"தான்னு அயித்தான்
கன்ஃபார்ம் செஞ்சாரு.



அப்படியே தாபா எஃபக்ட். பஞ்சாபி ஷ்பெஷல் உணவு.
ரேட்டு கொஞ்சம் ஜாஸ்திதான். இருக்குற இடம் அப்படி. :)
(பஞ்சாரஹில்ஸ், ஜுப்ளிஹில்ஸ் எல்லாம் ரொம்ப பெரிய
இடம்.)


மெனுகார்ட் கேட்டா நியூஸ் பேப்பர் கொண்டுவந்து
கொடுத்தாங்க. "என்ன கொடுமை"ன்னு பாத்தா
மெனுகார்ட் நியூஸ் பேப்பர் மாதிரி போட்டிருக்காங்க.
வெஜ், நான் வெஜ் இரண்டும் கிடைக்கும்.

சரி இப்ப ஒரு ஜோக் சொல்லட்டுமா?

பஞ்சாபில் வாஷிங்மெஷின் விக்கிற பன்னாட்டு
நிறுவனம் விற்பனை கன்னா பின்னான்னு எகிறி
இருப்பதைப் பார்த்து ஆச்சரியப்பட்டு போனாங்களாம்!
அதை வாங்கினவங்க எல்லோரும் "தாபா" உரிமையாளர்கள்
என்பதை கண்டுபிடிச்சாங்க. மேலும் ஆச்சரியம் ஆச்சு.
அவங்க எதுக்கு உபயோகிச்சிருக்காங்கன்னு கண்டுபிடிச்சப்ப
ஷாக் ஆகிட்டாங்க.:)

"லஸ்ஸி" தயாரிக்க வாஷிங் மெஷினை உபயோகப்படுத்தியிருக்காங்க.
கம்பெனி காரங்க அதிக ஷாக் ஆனது தாபா
உரிமையாளர்கள் வாஷிங்மெஷினின் டிரைன் பைப்பை
லஸ்ஸி ஊத்த பயன் படுத்தினதை தெரிஞ்சிக்கிட்ட போதாம்.

(உபயம்: அங்கித்தி மெனுகார்ட்)

பஞ்சாபை பத்தின சிறு தகவல்:

இந்தியாவிலேயே கோதுமை அதிகம் உற்பத்தி ஆவது இங்குதான்.
Per capita income (சராசரி மனிதனின் வருமானம்)
இங்குதான் அதிகம்.


சர்தார்ஜி ஜோக் ஒன்று:

ஒருநாள் சன்டா பன்டாவை முட்டாள் ஆக்க விரும்பினார்.
50ஆவது மாடியில் இருக்கும் தன் வீட்டிற்கு அழைக்கிறார்.
அழைப்பை ஏற்று வந்த பன்டா கட்டிடத்திற்கு
வந்த பிறகு தான் லிஃப்ட் இல்லை என்பதை அறிகிறார்.
கஷ்டப்பட்டு படிகளில் ஏறி வந்தால்," ஹே! ஹே! ஹே!
உன்னை முட்டாள் ஆக்கிட்டேனே!!!" என்று எழுதிய
வாசகத்தையும், மூடியிருந்த வீட்டையும் பார்க்க நேர்கிறது.
ஆஹா! அப்படியா என்று கோதாவில் இறங்கிய நம்மாளு
பன்டா "ஹே!ஹே!ஹே!, நான் தான் இங்கே வரவே
இல்லையே- பன்டா" அப்படின்னு எழுதி வைச்சுட்டு
போயிடறாரு. :))))))

இதெல்லாமும் அங்கித்தி மெனுகார்டில் இருந்து சுட்டதுதான். :)




ஹோட்டலுக்குள்ள எப்படி இருக்கு பாத்தீங்களா?!!!!!!!






அருமையான சாப்பாட்டுக்கு அப்புறம் ஒரு சூப்பர் "மீடா பான்"
ம்..ம்...ம்..

போயிட்டு வந்த இடத்து அட்ரஸ் மத்த டீடைல்ஸ் கொடுக்காட்டி
சாமி குத்தமாயிடும்.

ANGEETHI,
701,703, 7TH FLOOR, RELIANCE CLASSIC,
ROAD NO.1, BANJARA HILLS,
HYDERABAD - 34
PHONE: 0091 40 6625550.

www.bjnhotels.com