பொம்மரில்லு - ஆடவாரி மாடலுகு அர்தாலே வேருலே !!!!

ஐயோ திட்டலைங்க. இவை தற்போது தமிழில் ஓடிக்கொண்டிருக்கு
இரு திரைப்படங்களின் தெலுங்கு பதிப்பு.

பொம்மரில்லு - இதுதான் தமிழில் சந்தோஷ் சுப்பிரமணியம்

ஆடவாரி மாட்டலுக்கு அர்த்தாலே வேருலே - இது யாரடி மோகினி.

இரண்டு படங்களையும் தெலுங்கில் பார்த்திருக்கிறேன்.

தமிழில் பார்த்தவர்கள் பலர் தற்போது வலைப்பூக்களில் விமர்சனம்
எழுதி வருகிறார்கள். அதில் நான் மிகவும் ரசித்து படித்தது
நந்தா எழுதியது.

பொம்மரில்லு படம் முழுதும் மிக அருமையாக இருந்தது. ஆனாலும்
எனக்கு மிகவும் பிடித்தது கிளைமாக்ஸ்தான். தந்தைசெய்த தவறை
சுட்டிக் காட்டும் நேரத்தில், அவரின் பாசத்தையும் மறக்காமல், மரியாதையுடன்
புரிய வைக்கும் காட்சி மிக மிக அருமை.

தெரிந்து தவறு செய்வது இல்லை. தன்னை அறியாமலேயே
இவ்வாறு தவறு இழைக்கும் பெற்றோருக்கு ஒரு பாடம்.
(தெலுங்கில் இப்படத்தை இயக்கிய இயக்குனர் இயக்கத்தில்
தற்போது வெளி வந்திருக்கும் தெலுங்கு படம் "பருகு" (ஓட்டம்)
அதுவும் தந்தை மகன் உறவு பற்றியதாம் பார்த்து விட்டு சொல்கிறேன்.)

யாரடி மோகினி: இந்தப் படத்தை தெலுங்கில் அனைவரும்
புகழ்ந்தார்களே என்று போனேன். சத்தியமாக இந்த படத்தில்
வெங்கி( அதான் வெங்கடேஷ் :))) ) நடிப்பைத் தவிர
பெரிதாக ஒன்றும் இல்லை. தகப்பன் கேரக்டரில் தெலுங்கு
கோடா ஸ்ரீநி கலக்கியிருப்பார். இவர்கள் இருவரையும் தவிர
வேறு ஏதும் சரியில்லை. எப்படி இந்தப் படம் புகழடைந்தது
என்பது ஆண்டவனுக்கே வெளிச்சம். அப்படி இருக்க
தமிழில் இந்தப் படம் நன்றாக இருக்குமா என்பது சந்தேகமே!!!

விகடன் வேறு 42 மார்க் கொடுத்திருக்கிறது. (விமர்சனக்
குழு காரர்களுக்கு வயதாகி இருக்கலாம். )

தெலுங்கு பதிப்பை பார்த்து என் விமர்சனம் இது.
தமிழ்ல பாத்தவங்க சொல்லுங்க.