தேநீர் மகத்துவம்.....

சேவல் கூவி பொழுது விடிகிறதோ இல்லையோ, டீக்கடை ரேடியோ சத்தம் கேட்டுத்தான் பாதிப் பேருக்கு பொழுதே விடியும். அதிகாலையில் டீ குடித்த பின் தான் நாள் துவங்கியது போலிருக்கும். காபியை விட டீ உடம்புக்கு நல்லது. ஆனால் நாம் குடிக்கும் பால் டீ அல்ல. தேன் கலரில் அப்படியே பிளாக் டீ போட்டு குடிச்சா நல்லது. சர்க்கரைக்கு பதில் தேன்,கருப்பட்டி சேக்கலாம். ஆனா சர்க்கரையே போடாமல் குடிப்பது இன்னும் நல்லது.




ஆஹா! டீயைப் பாத்ததுமே குடிக்கணும்னு தோணுது இல்ல.......

Get this widget | Track details | eSnips Social DNA

சாய் அதாவது டீ பத்தி மெகாஸ்டார் சிரஞ்சீவி பாடின இந்த
தெலுங்கு பாட்டைக் கேளுங்க.

(விளக்கம்/ தெளிவுரை தனி பதிவா போடறேன்.):)))))))))))

கொதிக்கற தண்ணியில டீத்தூளைப் போட்டு, பால் சர்க்கரை சேர்த்து வடிகட்டி குடிச்சா போதும்னா உங்களுக்கு டீ குடிக்கத் தெரியலைன்னு அர்த்தம்.


வகை வகையா டீ குடிக்கலாம் வாங்க:

1. பிளாக் டீ: இதுக்கு டீத்தூளை போடறதை விட டிப் டீ பேக் களை தண்ணீரைச் சூடாக்கி போட்டு குடிச்சுப் பாருங்க.


2. லெமன் டீ : பிளாக் டீயில் எலுமிச்சம் ஜூஸ் கொஞ்சம் பிழிஞ்சா அதான் லெமன் டீ.


3.துளசி டீ: டீத்தூள் கொதிக்கும் போது அதில் கொஞ்சம் துளசி இலைகளைச் சேர்த்தா சளி, இருமலுக்கு நல்லது.


4. இஞ்சி டீ. தண்ணீரில் இஞ்சியை நசுக்கிப்போட்டு அது கொஞ்சம் கொத்தித்ததும், டீத்தூளைப் போட்டு குடிக்கலாம். இஞ்சியோடு கொஞ்சம் ஏலக்காய் சேர்த்து நசுக்கி சேர்க்கலாம்.



5. மசாலா டீ : வீட்டிலேயே செய்யலாம் டீ மசாலா. சுக்கு, மிளகு, லவங்கப்பட்டை, லவங்கம், ஏலக்காய், எல்லாம் வகைக்கு 50 கிராம், ஜாதிக்காய் - 1 எல்லாத்தையும் 1 நிமிடம் அவன்ல வெச்சு சூடாக்கியோ அல்லது வாணலியில் ஸ்லைட்டா வறுத்தோ பொடி செஞ்சு
வெச்சுகிட்டா, டீ தயாரிக்கும்போது சேர்த்துக்கலாம். இப்ப மசாலா டீ ரெடி.


இது எல்லாத்தையும் விட ரொம்ப நல்லது இந்த கீரீன் டீ.




சீன மக்களின் பாரம்பரியம் இந்த டீ. Camellia Sinensis எனப்படும்
செடியிலிருந்து தயாரிக்கப்படுகிறது இந்த டீ. சீனா, ஜப்பான்
காரங்க தண்ணீருக்கு பதில் இந்த டீயைத்தான் குடிக்கிறாங்களாம்.

சரி இதனால என்ன பலன்?
அழகும், இளமையும் வேணும்னா இதைத்தான் சிறந்ததா
சொல்றாங்க. கீரீன் டீ குடிப்பதால் உடம்பில்
கொழுப்பு குறைந்து ஸ்லிம் ப்யூட்டியா இருக்கலாம்.

இந்த டீயில் இருக்கும் ஆன்டி-ஆக்ஸிடென்டு கீரீன் டீயை
மருத்துவக் குணமுள்ளதா மாத்தி நம்ம உடல் நலத்திற்கு
பல விதத்துலையும் உதவுதாம்.

கீரீன் டீயும் பால் சர்க்கரை சேர்க்காமல்
அருந்த வேண்டும்.

இதைக் குழந்தைகளுக்கும் கொடுக்கலாம்.
உடல்பருமன், மூட்டுவலி, கேன்சர், நீரிழிவு நோய்
இவற்றிலுருந்து தப்பிக்கணும்னா இந்த டீயை
குடிக்க ஆரம்பிங்க.

தேநீர் அருந்துவோம், ஆரோக்கியத்துடன் வாழ்வோம்.