விளம்பரத்தால் வந்த வினை...... :))))

ஒரு பொருளுக்குச் செய்யப்படும் விளம்பரம் எந்த
அளவு தாக்கத்தை ஏற்படுத்தும் என்பது அனைவரும்
அறிந்ததே..

சில நொடிகளில் கதை, கவிதை சொல்லும் விளம்பரங்கள்
பல மறக்க முடியாத காவியங்களாகி விடுகின்றன.

தொலைக்காட்சியில் நாம் பார்க்கும் விளம்பரங்களுக்கு
இணையானவை பத்திரிகைகளிலும், நாளிதழ்களிலும் வரும்
விளம்பரங்கள். அப்படிப்பட்ட ஒரு விளம்பரத்தினால் நான்
பட்ட பாடு.................

அப்போது நான் மும்பையில் இருந்தேன். அலுவலகம்
செல்லும் முன் அந்த பரபரப்பிலும் நியூஸ் பேப்பர்
படிக்க வேண்டும் என்பது மாமாவின் கட்டளையாக
இருந்தது பின்னர் பழக்கமாகிப்போனது.
(சுடச்சுட காபி, சுடச்சுட நீயூஸ்....)

அப்படி பேப்பர் பார்த்த ஒரு நாள் ஒரு விளம்பரம்
என்னை மிகவும் கவர்ந்தது. பெரிதாக ஒன்றும்
எழுதி விடவில்லை. ”இன்னும் சில நாட்களில்
தங்களை மிகவும் கவரப்போகும் விளம்பரம் இந்த
பக்கத்தில் வரப்போகிறது” இவ்வளவுதான்.

அடுத்த நாள் அந்த பக்க விளம்பரத்திற்காக
காத்திருந்தேன்... இப்படி 5 நாட்கள் ஓடிவிட்டது.
தினமும் ஒரு வரி விளம்பரம் மாத்திரம் தான்
இருக்கும்.

சஸ்பென்ஸ் தாங்க முடியவில்லை. மாமாவிடம்
வேறு”அது என்ன என்று பார்த்து வாங்கிவிட
வேண்டும்”, என்று சொல்லி வைத்திருந்தேன்.
அதுகென்ன பாரு” என்று மாமா சொன்னார்.

6 ஆவது நாள் அந்தக் கம்பெனியின் லோகோவைப்
போட்டு நாளை அந்த பொருளின் பெயர் வரும்
என்று போட்டிருந்தார்கள்.

அடுத்த நாளுக்காக மிக மிக ஆவலாக காத்திருந்தேன்.
என்ன என்று பார்த்துவிட்டு, உடன் வாங்க வேண்டும்
என்று முடிவு கட்டியாகிவிட்டது. (அதற்கு முன் தான்
சின்ன சஸ்பென்ஸோடு “லிட்டில் ஹார்ட்ஸ்”
பிஸ்கட் அறிமுகமாகி உடன் வாங்கி வந்து
வீட்டில் அனைவருக்கும் கொடுத்தேன். )

என்னவாக இருக்கும் மாமா? என்று பேச்சு
அதைப் பற்றியே இருந்தது. காலை எழுந்ததும்
முதலில் பேப்பரை எடுத்து நான் பார்த்துவிடவேண்டும்
என்று முடிவு கட்டிவிட்டேன்.
(போட்டியாளர்கள் வீட்டில் ஜாஸ்தி)

அஹா!!! அந்த நாளும் வந்தது.
மாமா! பேப்பர் வந்தாச்சு” என்று கத்திதான் மாமாவை
எழுப்பினேன். தலை தெறிக்க ஓடி வந்தார் மாமா.
அவருக்கு முன் உருண்டு ஓடி வந்தாள் மாமாவின்
3 வயது பெண். என் கத்தலில் மொத்தக் குடும்பமும்
பேப்பருக்கு முன்னால். பேப்பரை தரையில் விரித்து
திகில் படம் பார்க்கிற மாதிரி மெல்ல, பேக்ரவுண்ட்
மீஜிக்கோடு பக்கம் பக்கமாக திருப்பி.. திருப்பி..னால்...

?
?
?
?
?
?
?
?
அந்த விளம்பரத்தைப் பார்த்ததும் மொத்தக் குடும்பமும்
ஹோ! என்று கத்தி என்னை ஏளனமாக பார்த்தனர்.

மாமாவைப் பற்றி கேக்கவே வேண்டாம்.
கைக்கொட்டி சிரிக்கவே ஆரம்பித்துவிட்டார்.
என் முகம் போன போக்கு.. கேட்கவே வேண்டாம்.

ஏதாவது ஏடாகூடாமாக நினைக்கும் முன் நானே
சஸ்பென்ஸை உடைத்து விடுகிறேன்.

அத்தனை நாட்களாக சஸ்பென்ஸ் தந்து,
என்னை அதிக எதிர் பார்ப்புக்கு உள்ளாக்கியது

FOUR SQUARE CIGERETTE :)))))))))))

அதற்கப்புறம் மாமா அந்த சிகரெட்டை என்
பிராண்ட், என் பேவரிட் பிராண்ட் என்றே
கிண்டல் செய்து கொண்டிருந்தார்.

திருமணம் நிச்சயமானதும் அயித்தானிடம் வேறு
”உன் மனைவிக்கு பிடித்தமான பிராண்ட் இது”
என்று சொல்லி கொடுத்து ஆப்பு வைத்தது தனி
டிராக்.