டைரக்டர் விசு அவர்களுக்கு வேண்டுகோள்!!!

வணக்கம் விசு சார்,

நல்லா இருக்கீங்கன்னு நினைக்கிறேன். (இதுக்கு பதில்
குடும்பம் ஒரு கதம்பத்தில் சொல்ற மாதிரி சொல்லி
எங்களை முடியை பிச்சுக்க வைக்கக்கூடாது... :)) )

இந்தப் பதிவு உங்கிட்ட ஒரு வேண்டுகோள் வைக்கத்தான்
சார். உண்மையைச் சொன்னா வேண்டுகோள் என்பதை
விட ஞாபகப் படுத்துதல்னு கூட சொல்லலாம்.

என்ன சார் புரியலையா!!!! உங்களுடைய ஒரு திரைப்படத்தில்
நீங்கள் கடைசியில் கொடுத்திருந்த வாக்குறுதியை
நிறைவேத்தும் படி கேக்கறேன் சார்.

அதாவது உத்திரமேருர் நாரதர் நாயுடுவாக நீங்க
அவதாரம் எடுக்க வேண்டிய நேரம் வந்தாச்சு சார்.

ஆமாம் இப்போது நீங்க நாரதர் நாயுடுவா நடிச்சு
”மணல் கயிறு” திரைப்படத்தை ரீ மேக் செய்யணும்
ஆனால், சில மாறுதல்களுடன்.

(கிழிஞ்சதுங்கறங்கீளா! கிழிஞ்சாலும் ஆடணும் சாரி
இயக்கணும்)

ரொம்ப மெனக்கெட வேண்டாம் சார்.
இப்ப நீங்க அப்பீல் ஆக வேண்டியது கிட்டுமணிக்காக.

பழைய மணல் கயிறு படத்தில் கிளைமேக்ஸில்
“வளர்ந்து பெரியவனாகி கண்டீஷனெல்லாம்
போட்டா நாரதர் நாயுடு திரும்ப வருவேன்னு”
சொல்வீங்க.

வாங்க சார் நாரதர் நாயுடு, வாங்க.



இப்ப கண்டீஷன் போடறது கிட்டுமணி இல்ல சார்.
உமா தான். (நல்ல முன்னேற்றம் தான்)
கண்டீஷன் போட்ட கிட்டுமணியை ஏமாற்றி
கல்யாணம் செஞ்சு வெச்சீங்க. இப்ப கண்டீஷன்
போடற உமாவை ஏமாற்றி கல்யாணம் செய்யற
மாதிரி படம் எடுக்க வேண்டிய கட்டாயம் சார்.

உங்க பழைய மணல் கயிறுவில் 8 கண்டீஷன்
தான் வெச்சீங்க. இப்ப 16 இல்ல அதுக்கும் மேல
வைக்கலாம் சார். ஓவரா சொல்றேன்னு நினைச்சீங்கன்னா
ஏதாவது ஒரு மெட்ரிமோனியலில் ப்ரவுஸ் செஞ்சு பாருங்க
நான் சொன்னதுக்கும் மேலேயே கண்டீஷன்கள் கிடைக்கும்.
:)

இப்ப உமாக்கள் போடுகிற கண்டீஷன்களால கிட்டுமணிகள்
முதிர்பையன்கள் ஆக இருக்காங்க சார்.

என் பையனுக்கு நல்ல பெண்ணா கிடைக்குமான்னு
பெத்தவங்க காத்திருக்க கொடுமை நடக்குது சார்.
வர்ற பொண்ணு நல்லவளா இருக்கணும்.

இப்படி பட்ட வேண்டுதல்கள் இப்போது
பையனைப் பெற்ற்வர்கள் சொல்லிக்கிட்டிருக்காங்க.

இன்னும் அடிப்பிரதட்சணம், அம்மன் தவசு மாதிரி
அய்யன் தவசு இதெல்லாம் தான் பாக்கி. பையனுக்கு
நல்ல இடத்தில கல்யாணம் ஆகனும்னு பூஜை செய்ற
பெத்தவங்க ஜாஸ்தி.

அன்னைக்கு உமாக்களுக்காக வாதடின நீங்க,
இன்னைக்கு கிட்டுமணிகளுக்காக வாதடணும்
என்பது காலத்தின் அவசியம் ஆயிடுச்சு சார்.

ஏதோ கிட்டுமணிகள் ரங்கமணிகள் (அதாவது
எங்க வலைப்பூ பாஷையில் கல்யாணம்
ஆன ஆண்பிள்ளைகள்னு அர்த்தம்) ஆகணும்,
காலாகாலத்தில அவங்க வாழ்க்கையில்
வசந்தம் (!) வீசனும் என்கிற ஆதங்கத்தில்
இதை எழுதுகிறேன் சார்.

போற்றுவார் போற்றலும் தூற்றுவார் தூற்றலும்
போகட்டும் நாரதர் நாயுடுவுக்கே!!!!

டிஸ்கி: மணல் கயிறு படம் பாக்கதவங்க
இங்க போயி ஒரு முறை பாக்கலாம்.