அய்யகாரி எக்குவேமிட்டோ? :)

ஆணியம் பெண்ணீய சண்டை பூவுலகில் மட்டுமல்லாமல்
தேவருலகிலும் இருந்தால் எப்படி இருக்கும்? அது தான்
இந்தப் பாடல். தெலுங்கு பாடல்.

பாடலில் விளக்கம் இது தான்.

கலக நாரதர் விஷ்ணு லோகம் சென்று
லட்சுமி தேவியிடம்,” விஷ்ணு எப்போதும்
உடல்நிலை சரியில்லாதது போல் கால் நீட்டி
படுத்திருக்கிறார். நீ என்னவோ?
கால் பிடித்து விட்டுக்கொண்டிருக்கிறாயா?
அவர் என்ன அப்படி கஷ்டப்பட்டார்?

அவர் பெரியவர்? நீ சின்னவளா?

என்ன விஷ்ணு மாயம்?

இதயத்தில் இடம் கொடுத்தேன் என்கிறார்?
ஆனால் காலடியில் அல்லவா உட்கார்ந்திருக்கிறாய்?
உன்னையும் மாயையில் வைத்திருக்கிறார்.
என்று போட்டு கொடுக்கிறார்.

ஏன் ஐயா? கணவன் மனைவி இடையில்
கலகமூட்டுகிறாய் என்று கேட்க,
நாரதர்” பூலோகத்தில் தங்கள் பக்தர்கள்
எல்லாம் உங்கள் இருவரின் படத்தைக் காட்டி
பெண்களையே எல்லா வேலையையும்
செய்யச்சொல்கிறார்கள்.

சேவை செய்து கொள்வது நாங்கள், செய்யவேண்டியது
நீங்கள் என்று கட்டாயப்படுத்துகிறார்கள்.
செய்யச் சொல்கிறார்கள்,என்று லட்சுமிக்கு
எடுத்துக்கொடுத்து, விஷ்ணுவிற்கு ஆப்புவைக்கிறார்.





14 லோகத்தை பாதுகாக்கிறேன் என்றார் விஷ்ணூ.
நான் அவற்றை போஷிக்கிறேன் என்கிறாள் லட்சும்.

நான் இல்லாவிட்டால் நீங்கள் சும்மா,
வெங்கடேச கல்யாணம் நினைவிருக்கிறதா?
திருமணத்திற்காக என்னிடம் கடன் பட்டு
வட்டி கட்டிக்கொண்டிருக்கிறாரே
என்று வினவுகிறாள் மஹாலக்ஷ்மி.

மலையின் மீது நானிருக்கிறேன்.
மலையின் கீழ் இருப்பது யாரோ?
என்று கேட்கிறார் விஷ்ணு
பார்க்கவேண்டுமென்று இறங்கி
வருவது யாரோ? என்று போட்டுத்தாக்குகிறாள்
ல‌ஷ்மி.

நான் த்ரேதாயுகத்தில் ராமன் என்று
கர்வமாக சொல்கிறார் விஷ்ணு,
ஆனாலும் சீதாபதி என்றே அழைக்கிறார்கள்
என்று ஒரு இட்டு வைக்கிறார் ல‌ஷ்மி. :)


நரகாசுரனை அழித்த கிருஷ்ணன் நான்
என்றாலும், அங்கு கைகளில் வில்லெடுத்து
சத்யபாமாவாக நான் அங்கும் இருந்தேன்
என்கிறால். பாவம் விஷ்ணு.


துலாபாரத்தில் என்னை தானமிட்டாயே
என்று கேட்க, ஐயாவின் எடை
துளசிதள சமானம் என்று முடிக்கிறாள்.

இந்தப் பாட்டில் ஹைலைட்டான விடயம்
அப்லோட் ஆகாமல் இருக்கிறது. :(

விசயம் இதுதான். கடைசியில்
நாரதர் சொல்லிக்கொடுத்து
லக்ஷ்மி, சுவாமி. நாம் இருவரும்
இடம் மாறலாமா? என்று கேட்பாள்?

அதாவது கால் நீட்டி படுத்திருப்பது
லட்சும், காலை அமுக்கிவிடுவது
விஷ்ணு என்று நிலை மாறும் என்று.

அதிர்ச்சியுற்று ஒரு கணம் யோசித்து
விஷ்ணுவும் ததாஸ்து என்பார் சிரித்துக்கொண்டு.

இடம் மாறும். ஆனால் அப்போதும்
லட்சுமி கால் மாட்டில் தான் இருப்பார்.

விஷ்ணு நிலை மாற்றியது தன் வலப்பக்க
சயனத்தை விட்டு, இடப்பக்கத்திற்கு மட்டுமே!
அன்னை அந்தப் பக்கத்திற்கு பதில் இந்தப்பக்கம்
உட்கார்ந்து பழையபடி கால் அமுக்குவாள்.

எல்லாம் விஷ்ணு மாயம். :))))))))))))))

ஹாப்பி வீக் எண்ட்.