உங்களிடம் ஒரு பேட்டி

எஸ்.வி.சேகரின் காட்டுல மழை நாடகத்தில் ஒரு
டயலாக்,”ஆச்சுடா! பட்டாபி, “ என்று ஆரம்பித்து
தான் பாட்டுக்கச்சேரி செய்து பலவருடங்கள்
ஆகிவிட்டது என்பார்.

அந்த டயலாக்கை கொஞ்சம் மாத்தி நான் சொல்வது

“என் வலைப்பூ துவங்கி ஒரு வருசம் ஆச்சுங்க,”

ரெய்கி கற்று தியானம் செய்வது பழக்கமான பிறகு
சில சமயம் கண்ணுல டீவி மாதிரி ஓடும். (அதாங்க
இந்த ஞானதிருஷ்டின்னு சொல்வாங்கல்ல அதுமாதிரி)

வலைப்பூ துவங்குவதற்கு 4 மாசம் முன்னாடியிலிரிந்து
அதிகாலையில் மானிட்டரில் தமிழ் எழுத்துக்கள் ஓடும்.

என்னதிதுன்னு யோசிச்சுகிட்டு இருந்தேன். நமக்கு
கவிதை, கதை எல்லாம் எழுத வராதே? பின்ன எதுக்கு
இப்படி ஒரு காட்சியை ஆண்டவன் கண்ணுல காட்டுகிறாருன்னு
எங்கப்பன் கந்தப்பன் கிட்ட கேட்டேன்.

அதுக்கு விடை ஒரு ஆனந்தவிகடனில் கிடைச்சது.
இம்சைஅரசியின் வலைப்பூ பத்தி வந்திருந்தது.
நல்லா இருக்கு, நாமும் செய்யலாம்னு பாத்தா
எப்படி செய்யணும்னு தெரியல.சொல்லிகொடுக்க ஆளில்லை.

ஒரு இமெயில் ஐடி ஓபன் செஞ்சுட்டு
இம்சை அரசி பிளாக்
மூலமா பா.பா. சங்கத்துக்கு போய் அங்கேருந்து
மைஃபிரண்ட் மெயில் ஐடி பிடிச்சு அவங்களுக்கு மடல்
எழுதி அவங்க உதவியோடத்தான் வலைப்பூ அரம்பிச்சேன்.

சும்மா படிச்சுகிட்டு இருந்த என்னை எழுத தூண்டியது
ஃபைபாலஜி தான். தங்கமணிகளை தாக்கும் ரங்கமணிகளின்
கூட்டத்திற்கு பதில் சொல்லியே ஆகவேண்டுமுன்னு
ஹஸ்பண்டாலஜி ஆரம்பிச்சேன். ரங்கமணிகளின்
வயிற்றில் புளி, காரம் எல்லாம் கரைத்தமாதிரி
ஆகிவிட்டது.
உருப்படியா ஏதோ சாதித்த சந்தோஷம் எனக்கு.

பினாத்தல் சுரேஷ் அவர்களின் இந்த வலைப்பூவில்
இல்லறத்தியலைக்கிளிக்கினால் ஃபைபாலஜி.



நல்லா பேசிகிட்டு இருக்கும் சில தம்பிகள் அவங்க
மனைவிகிட்ட பேச போனைக்கொடுக்க ரெம்பவே
யோசிப்பாங்க. எங்க ஹஸ்பண்டாலஜி பத்தி ஏதும்
சொல்லிப்புடுவேனோன்னு அவங்க் படற டென்ஷன்
சும்மா சொல்லக்கூடாது:) சொந்த செலவுல சூனியம் வெச்சுக்க
யார் தான் விரும்புவாங்க.

சரி உங்க கிட்ட ஒரு பேட்டின்னு சொல்லிட்டு
நானே பேசிகிட்டு இருக்கேனேன்னு கோபப்படாதிங்க.
நவம்பரில் வலைப்பூ துவங்கினேன்னு ஞாபகம் இருக்கு.
என்னைக்கு துவங்கினேன்னு ஞாபகம் இல்லை. முதல்
பதிவு போட்டது நவம்பர் 11.

240 பதிவு போட்டிருக்கேன். இதில் உங்களுக்குப் பிடித்த
பதிவு எது? அது ஏன் பிடிச்சிருக்குன்னு ஒரு வார்த்தை
சொல்லுங்க.பின்னூட்டமா சொல்லிட்டு போங்க
அம்புட்டுதான்.

***********************************************

எழுதினதெல்லாமே பிடிச்சிருக்கு, அப்படின்னு
பின்னூட்டம் வந்ததாலே இந்த டிஸ்கி.

என்னை பரிசீலித்துக்கொள்ள, உங்களின் ரசனைகளைத்
தெரிந்துக்கொள்ள எனக்கு இது உதவியாய் இருக்கும்.

தவிரவும் பெஸ்ட் ஆப்ஃ புதுகைத்தென்றல்
அப்படின்னு உங்களின் விருப்பத்தையும் சேர்த்து
ஒரு பதிவு போடலாம்னு இருக்கேன்.
ஆகவே தயவுசெஞ்சு சரியா பதில் சொல்லுங்க ப்ளீஸ்.