இன்னிய பொழுதுக்கு உபயோகமா ஒரு வேலை.

3 நாளா எங்க வீட்டுகிட்ட ரோட்ல ஒரே தண்ணி.
24 மணிநேரமும் ஓடிகிட்டு இருந்துச்சு.
சாக்கடைத் தண்ணிங்கறாதால நாத்தம் வேற.

இந்தப் பக்கம் இதுன்னா. பக்காத்தாப்ல இருக்கற
பார்க்குக்கு போற வழியில நல்ல குடிக்கறத் தண்ணி
ரோடுல போய்கிட்டிருக்கு. இதனால சுத்தி ஒரு 4 வீதியில்
நடக்கவே முடியாம இருந்துச்சு.

பாலாறும் தேனாறும் நம்ம நாட்டுல ஓடுதோ
இல்லியோ! இந்த மாதிரி தண்ணிங்க ஓடும்.


சாக்காடத்தண்ணீரால சுகாதார கேடு.
நல்லத் தண்ணி இப்படி போவது(உபயம்
வீட்டுக்கு பக்கத்துல இருக்கற
ஹைதைக்கு மொத்தம் தண்ணீர் சப்ளை
செய்யும் தண்ணீர் தொட்டி)) குடி நீர்
தட்டுப்பாட்டை அதிகமாக்குமே!

ஏதாவது செய்யணும்னு தோணிச்சு.
வாட்டர் போர்டுக்கு போன் செஞ்சு,
கம்பளையண்ட் எழுதி கொடுத்து இதெல்லாம்
ஆவுற வேலை இல்லை.

தினமும் வாக்கிங் போகும்போது அங்கே
வரும் பலரில் ஒரு குரூப் ரோட்டரி
சங்கமோ அல்லது லயன்ஸ் குருப்பையோ
சேர்ந்தவங்க. அவங்க கிட்ட பேசலாம்னு
நினைச்சுகிட்டே வாக்கிங்
போயிகிட்டு இருக்கும் போது
வாக்கிங் போறவுங்கள வீடியோ எடுத்து
போட NDTV குரூப் அங்க இருந்துச்சு.

அதுல இருந்த ஒரு பொண்ணுகிட்ட
”வாக்கிங் போறவுங்கள போட்டோ பிடிக்கறீங்க
சரி. இந்த ஏரியாவுல குடி தண்ணீரும்,
சாக்கடைத் தண்ணீரும் ரோடுல ஓடுது.
எங்களுக்கு கஷ்டமா இருக்கு. ஏதாவது
செய்ய முடிஞ்சா செய்யுங்கன்னு சொல்லிட்டு”

நேரே வாக்கிங் முடிச்சிடு உக்காந்திருக்கும்
லயன்ஸ்/ரோட்டரி குரூப் அங்கிள்ஸ்
கிட்ட போய்( அவங்களை எனக்கு
அறிமுகம் கூட கிடையாது :) )
வணக்கமுங்க. போனவாரம் நீங்க
ஏதோ சங்கம் போஸ்டருக்கு முன்னாடி
நின்னு இங்க போட்டோ எடுத்துகிட்டீங்க.
ஒரு சின்ன உதவி செய்யுங்க. உங்க
இன்புளையன்ஸை பயன்படுத்தி
இப்படி போகும் தண்ணீரை நிப்பாட்ட
வழி செஞ்சு கொடுங்க. அந்த மீடியா
காரங்க கிட்ட கூட சொல்லியிருக்கேன்
அப்படின்னு சொன்னதும் அவங்களும்
ஆமாம். வீ வில் ட்ரைன்னாங்க. நன்றின்னு”
சொல்லிட்டு நானும் அயித்தானும் வந்திட்டோம்.

வரும் வழியிலேயே டீவி 9 அப்படீங்கற
சேனலுக்கு போன போட்டு,” மக்களுக்கு
நல்லது நிறையவே செய்யறீங்க. எங்க
ஏரியாவுல இந்த மாதிரி பிரச்ச்னை இருக்கு.
ஏதாவது செய்யுங்க ப்ளீஸ்”ன்னேன்.

சரி மேடம்! உடனே ஆள் அனுப்பறேன்னு
சொன்னாரு. இது நடக்குமான்னு ஒரே
யோசனையாவே இருந்தேன். 8 மணிக்கு
நான் போன் செஞ்சேன். 10 மணி வாக்கில்
வெளியே வந்து பாத்தா பாதாளச் சாக்கடைக்
காரங்க வண்டி வந்து சுத்தம் செஞ்சுகிட்டிருந்தாங்க.
அட! அப்படின்னு ஆச்சரிய பட்டுகிட்டே
மார்க்கெட் வரைக்கும் போயிட்டு வந்து பாத்தா,
நம்புங்க. சாக்கடை தண்ணி வர்றது நின்னு போயி
ரோடு காஞ்சும் போயிருந்தது. :))))))

குடி தண்ணீர் வர்ற பக்கமும் சீர் செஞ்சு
ரோட்ல தண்ணீர் இப்ப வீணாகலை.

“டண்டணக்கா! ஐ டணக்கு ணக்கான்னு”
மனசுக்குள்ள சின்னதா ஒரு டான்ஸ்
போட்டுகிட்டேன். :))))))))))))))))

அத்தானுக்கு போனப் போட்டு விவரத்தைச்
சொன்னேன். பாராட்டினார்.

யாரு சொல்லி இந்த வேலை நடந்துச்சோ!
இங்க அந்த வாக்கர்ஸ் கிளப் அங்கிள்ஸ்,
NDTV, TV9
இந்த 3 பேருக்கும் என் மனமார்ந்த நன்றிகள்.