ஆஷிஷ் துணுக்ஸ்

சின்ன வயது முதலே ஆஷிஷிற்கு
கார், பைக் பைத்தியம். தூங்கும்போதும் கூட
அவனருகில் கார் பொம்மை இருக்கும்.
பைக் சத்தம் கேட்டால் ஓடிவந்து என்ன
பைக் என்று பார்ப்பான். சைக்கிளைத் தன்
பைக்காக நினைத்து அதில் வித்தைகள் காட்டி
“கத்தி எடுத்தால் ரத்தம் பார்க்காமல் விடாது”
என்பது போல் ரத்தக்காயங்களுடன் தான் சைக்கிள்
வீட்டுக்குள் கொண்டுவரப்படும். :(

ஒரு முறை மாம்பலம் ஏரியாவில் பிசியான
நேரத்தில் பைக்கில் முன்னாடி அம்ர்ந்திருந்த
ஐயா ஏதோ வேகத்தில் ஏக்ஸிலரெட்டரை
திருப்ப அயித்தான் வண்டி ஓட்டமுடியாமல்
நிலை தடுமாறினார். அப்போது Ashish வயது 3 தான்.

**********************************************
நண்பர் ஒருவர் ஹோண்டா சிவிக் கார்
வாங்கி இருக்கிறார். மகனையும், அயித்தானையும்
ஒருட்ரைவ் அழைத்துச் சென்றார். ஆஷிஷ்
சிவிக் வாங்கியதுக்கு பதில் ”ஹைபீரீட்”
வாங்கியிருக்கலாம்! இன்னும் சூப்பரா
இருக்கும்” என்று சொல்ல,” அப்படி ஒரு
வண்டி இருப்பதே தெரியாதுடா தம்பி!!”
என்று சொல்ல ஐயா ஹைபீரிடீன் அருமை
பெருமைகளை எடுத்துச் சொல்லியிருக்கிறான்.
“இதெல்லாம் உனக்கு எப்படித் தெரியும்??!!”
என ஆச்சரியப்பட்டிருக்கிறார். (ம்ம் எனக்கு
ஹைபிரீட் தக்காளிதான் தெரியும் :)) )
*********************************************

இலங்கையில் இருந்த பொழுது கம்பெனி
RENT A CAR மூலம் வண்டி கொடுத்திருந்தது.
எங்கள் ஹோண்டா சிட்டி சர்வீஸுக்கு
போக வேற ஒரு மாடல் கொடுத்திருந்தார்கள்.
அருமையாக இருந்த அந்த வண்டியில்
எங்களை ஒரு ட்ரைவ் அழைத்துச் செல்லுமுன்
பெட்ரோல் பங்க் சென்றார் அயித்தான்.
பெட்ரோல் டேங்கை திறக்க பட்டன் எங்கே
இருக்கிறது என்று அவர் தேடிக்கொண்டிருக்க
“நாநா, இந்த வண்டிக்கு நடுவில் ஹேண்ட்
ப்ரேக் பக்கத்தில் இருக்கு பட்டன்!!!!” என்ற
பொழுது அயித்தான் வியந்து தான் போனார்.
****************************************

எனக்கு மிகவும் பிடித்த நிழல்கள் படம்
ஓடிக்கொண்டிருந்தது. அந்தப் படத்தின்
பாடல்கள் எனக்கு மிகவும் பிடித்தது.
நான் டீவி போட்ட பொழ்து பாதி படம்
முடிந்து விட்டிருந்தது. பள்ளிவிட்டு
வந்த ஆஷிஷ் பக்கத்தில் அமர்ந்து
என்னுடன் படம் பார்த்தான்.

சந்திரசேகர் இசையமப்பாளராக வாய்ப்பு
கிடைத்ததும் வரும்” மடை திறந்து ஆடும்
நதி அலை நான்” ஆரம்பித்ததும்.
”ஹை! இதுதான் அந்தப் பாட்டா?
(எந்தப் பாட்டு? சத்தியமா புரியலை!!
அவ்வ்வ்வ்வ்வ்வ்வ்)
பழசும் சூப்பராத்தான் இருக்கு!!”
என்றான்.
” நீ எந்தப் பாட்டத் தம்பி சொல்ற?

இந்தப் பாட்டு யோகி பி பாடி சூப்பரா
இருக்கும்மா!” என்றான். தனது
ஐ பாடில் இருந்துபாட்டையும் என்
காதில் ஒலிக்க வைத்தான்.

கோல்டாக இருக்கும் ஓல்ட் பாடல்:

Get Your Own Hindi Songs Player at Music Plugin

மடை திறந்து யோகி பி வெர்ஷன்

ஆஹா!!!

ஒண்ணு நல்லா புரிஞ்சிருச்சு. என் குட்டி
ஆஷிஷ் வளர்கிறான். கொஞ்சம் பெரிய
பையனும் ஆகிவிட்டான்.