ரொமான்ஸ் ரகசியங்கள்..................

பதிவு போடணும்னு முடிவு
எடுத்தாச்சுன்னா நானே என் பேச்சைக் கேக்க மாட்டேன்.
(தாமிரா திட்டாதீங்க.:))

சரி தலைப்பை பாத்து கன்னாபின்னான்னு எதுவும்
நினைச்சுகிட்டு ஓடி வந்தீங்கன்னா நான் அதுக்கு
பொறுப்பு இல்லை. :))))))))))))



காதலர் தினத்திற்கு இன்னும் 5 நாள் தான்
இருக்கு. எங்கெங்கு நோக்கினும் காதலர் தின
சிறப்பு தான். நாளிதழ்கள், வார இதழ்கள்
அனைத்திலும் கொண்டாட்ங்கள் எப்படி எல்லாம்
இருக்கலாம் என்று வந்த வண்ணம் இருக்கின்றன்.

நான் மிக ரசித்த ஒரு கட்டுரையை உங்களுடன்
பகிர்ந்து கொள்கிறேன். காதலர் தினம் காதலர்களுக்கு
என்பது எல்லோருக்கும் தெரியும். கல்யாணம் கட்டிகிட்டு
காதலித்துக்கொள்வர்களும் உண்டு. அவர்கள் அனைவரையும்
சிரம் தாழ்த்தி வாழ்த்திக்கிறேன்.

நான் படித்த அந்தக் கட்டுரையில் வித்தியாசமாக
திருமணத்திற்கும் பிறகும் பிரபலமாக இருக்கும்
சிலரின் பேட்டி இருந்தது. அது படித்த பொழுது
(அதுல சொல்லியிருக்கற மாதிரி அவங்க
இருக்காங்களான்னு நாம் சிபிஐ வெச்சு பாக்கப்போறதில்லை(
கற்றுக்கொள்ள நிறைய இருந்தது.

திருமணத்திற்கு பிறகு தான் வாழ்க்கை
துவங்குகிறது. ஆனால் நிஜத்தில்
நடப்பது என்ன?

“கல்யாணமாகி இரண்டு பிள்ளைங்க இருக்கு.
இன்னமும் குலுக்கிகிட்டு போறா?” என்பது
போனற பேச்சுக்கள்....

“குழந்தை பெத்தவங்க மாதிரியா இருக்காங்க
ரெண்டு பேரும்”

இதெல்லாம் என்ன பேச்சு? தாய்மை எத்தனை
உயர்வோ அத்தனை உயர்வானது தனது
கணவனுக்கு மனைவி என்பதும். (ஆண்களுக்கும்
பொருந்தும். கல்யாணத்துக்கப்புறம் தங்கஸ்
நல்லா சமைச்சு போட்டாங்க. எப்படி இருந்த நான்?
இப்படி ஆயிட்டேன்? என்று மாமிச மலையாக
இருப்பவர்களும் உண்டு)

பல பெண்கள் ஒரு குழந்தை பிறந்ததும்
தான் மனைவி என்பதை மறந்து அந்த
பிள்ளைக்கு தாயாக மட்டுமே இருக்கிறார்கள்.
(சில குடும்பங்களில் ஒரு பெண்மணியின்
மகள் வயதுக்கு வந்துவிட்டால் அந்தப் பெண்
தலை ஜடை போடக்கூடாது. கொண்டை
தான் போடவேண்டுமென இருக்கிறது)

ஒல்லிக்குச்சி உடம்புக்காரி/காரராக இருக்க
வேண்டாம். தன் கணவருக்காக/ மனைவிக்காக
தன்னை அலங்கரித்துக்கொள்வது தவறா?

இருமணம் இணைவது திருமணம்.
ஒரு குழந்தை பிறந்ததும் அந்த உறவு
மறந்து/ மாறிப்போவது முறையல்ல.

கணவன் மனைவி தங்களுக்கென ப்ரத்யேக
நேரத்தை ஒதுக்கிக்கொள்ள வேண்டும்.

அருகருகில் அமர்ந்து தேநீர் அருந்துதல்,

வார இறுதியில் இயன்றால் இருவருக்குமட்டுமே
ஆன டின்னர்.

இப்படி எல்லாம் சொல்லியிருந்தாங்க.

டின்னரை விடுங்க. புருஷன் பொஞ்சாதி
ரெண்டு பேரும் பக்கத்துல உக்காந்து
பேசிக்கறது உண்டா??

பக்கத்துல உக்காந்தா தப்பு.

இப்போ பெண்கள் பாண்ட் சர்ட் போடுகிறார்கள்.
அது திருமணத்திற்கு பிறகும் போட்டால்
அம்புட்டுதான். அதுவும் ரெண்டு பிள்ளை
பிறந்த பிறகுன்னா கை கொட்டி சிரிக்க
மட்டும்தான் மாட்டாங்க.

கல்யாணம் ஆகிடிச்சு, குழ்ந்தை பொறந்திடிச்சு
அம்புட்டுதாங்கற மனப்பான்மை மாறனும்.
திருமண பந்தம் நிலைத்து நிற்க சின்னச்
சின்ன அன்னியோனியங்கள் தேவை.

WE NEED TO KEEP OUR MARRIAGE ALIVE.
அருமையான வாக்கியம்.

எனக்குத் தெரிந்தவர் ஒருவர் காதல்
திருமணம் புரிந்தவர். இரண்டு
பெரிய குழந்தைகளுக்குத் தாய்.
22 வருட அவரது திருமண வாழ்க்கை
பற்றி அவர் அடிக்கும் கமெண்ட்.

OURS IS LOVE MARRIAGE. NOW ONLY MARRIAGE IS THERE
NOT LOVE. :((

இந்த நிலைக்கு பெயர்தான் திருமண வாழ்க்கை
என்றால் திருமணமே செய்து கொள்ள வேண்டாம்.

ஆகவே அன்புத் தோழிகளே/ தோழர்களே உங்கள்
அனைவரிடமும் என் வேண்டுகோள்.
திருமணம் எனும் பந்தம் நிலைத்து நிற்க
ஆவன செய்வோம் என இந்தக் காதலர்
தினத்தில் உறுதி எடுத்து செயல்படுவோம்.

காதல் புனித மானது. உலகை இயங்கச்
செய்வதும் காதல் தான்.

அன்பே கடவுள்!