பனீர் புர்ஜி தோசை...ம்ம்ம்ம்ம்... யம்மி.. யம்மி

வெரைட்டி தோசைகள் எனக்கு ரொம்ப இஷ்டம். அரிசிக்கட்டி அதாங்க
இட்டிலி அது கொஞ்சம் பிடிக்காது. :)) மெத்து மெத்துன்னு செய்வேன்.
ஆனாலும் தோசைக்குத்தான் என் ஓட்டு.

அப்படி வெரைட்டி தோசைகளில் பனீர் புர்ஜி தோசை சூப்பரா இருக்கும்.

முதலில் பனீர் புர்ஜி செஞ்சுக்கலாம்.

தேவையான பொருட்கள்:

பனீர் 200 கிராம், தக்காளி- 2, பொடியாக நறுக்கியவெங்காயம் -2,
இஞ்சி பூண்டு பேஸ்ட்- கொஞ்சம், தனியாதூள், மிளகாய்த்தூள்,
தலா 1/2 ஸ்பூன், கரம்மாசாலா- 1 ஸ்பூன், ஆம்ச்சூர் பவுடர் கொஞ்சம்,
(விரும்புகிறவர்கள் குடைமிளகாயை பொடியாக நறுக்கி சேர்த்துக்கலாம்)

செய்முறை:

கடாயில் எண்ணெய் விட்டு ஜீரகம்,கசூரி மேத்தி தாளித்து வெங்காயத்தை
நன்கு வதக்கவும், பிறகு இஞ்சி பூண்டு பேஸ்ட் சேர்த்து வதக்கி,
தக்காளியைச் சேர்க்கவும். மஞ்சள்தூள்,உப்பு சேர்த்து கொஞ்சம்
நேரம் கழித்து தனியா,மிளகாய்தூள், கரம்மசாலா, ஆம்ச்சூர் பவுடர்
சேர்த்து நன்கு வதக்கி கொஞ்சமாக தண்ணீர் சேர்க்கவும். (2 ஸ்பூன்
தண்ணீர் போதும். மசாலா நன்கு கலக்க இது உதவும்)பிறகு பனீரை
கைகளால் பொடித்து மசாலா கலவையில் சேர்க்கவும். சிறிது நேரம்
நன்கு கலந்து வதக்கி, கொத்துமல்லி தூவி இறக்கினால் பனீர் புர்ஜி ரெடி...

தோசை மாவு வீட்டில் இருக்கும். மொறு மொறு தோசை ஊற்றி
உருளைக்கிழங்கு மசாலா வைப்பது போல் நடுவில் பனீர் புர்ஜியை
வைத்து மடக்கி சுடச்சுட சாப்பிடலாம். பேச்சிலர்களுக்கும் செய்வது
எளிது.

நைட் டின்னர் இதுதான்., மீ த கோயிங் அண்ட் எஞ்சாயிங். :)))