புதுகையில் நரசிம்ம ஜெயந்தி.

நரசிம்ம ஜெயந்தி என்றாலே புதுகை கீழ 3ஆம் வீதி பூஜ்யஸ்ரீ. கோபாலகிருஷ்ண பாகவதர்
அவர்களின் நினைவுதான் வரும். புதுகையே விழாக்கோலம் பூண்டிருக்கும்.



மேமாதம் 10 நாட்கள் நடக்கும். இந்த 10 நாட்களும் ஜாதிமத பேதமில்லாமல்
எல்லா மதத்தினரும் நன்கொடை கொடுக்க விழா சிறப்பாக நடக்கும்.
அத்துடன் பாகவதர் அவர்கள் அன்றாடம் உஞ்சவர்த்தி செல்வார்கள்.

பாகவதர் அவர்களை அன்புடன் அப்பா என்றே அழைப்பார்கள்.





வெளியூரிலிருந்து ஏராளமான மெய்யன்பர்கள் வருவார்கள். உஞ்சவர்த்தியில்
அரிசி, துவரம்பருப்பு போன்றவைகளை பொதுமக்கள் அளிப்பார்கள்.
அனைவருக்கும் ஜாதிமத பேதமின்றி அன்னதானம் 10 நாளும்
வழங்கப்படும்.

ஒவ்வொரு இரவும் திவ்யநாமம், டோலோத்சவம், பவ்வளிம்பு போன்ற
நிகழ்ச்சிகள் நடைபெறும்.

மாலை நேரங்களில் கர்நாடக இன்னிசை விருந்து, கதாகாலேட்சபம்,
எல்லாம் நடைபெறும். மாபெரும் கலைஞர்கள் எல்லாம் வந்து
பங்கு பெறுவர். எம்.எஸ்.சுப்புலட்சுமி போன்ற பெரும் கலைஞ்ர்கள்
வருவார்கள். இந்த நிகழ்ச்சியில் கலந்து கொண்டு பெயர் பெற்றவர்கள்
பலர். குறிப்பாக குன்னக்குடி ஸ்ரீ. வைத்தியநாதன் அவர்கள்.


பாகவதர் மற்றும் அவரது உறவினர்கள் 10 நாளும் உப்பில்லாத
ஆகாரம் எடுத்துகொள்வர். ஸ்ரீ லஷ்மி நரசிம்ம கல்யாண உறசவத்
தன்று எல்லோருக்கும் அறுசுவை உணவு கொத்து அவர்கள்
சாப்பிட்ட இலையில் நேர்ந்து கொண்டவர்கள் உருளுவார்கள்.
அந்த எச்சில் இலையை தலையில் வைத்து வீதி உலா வந்து
பல்லவன் குளத்தில் குளிப்பார்கள். (இறைவன் வந்து
உணவு அருந்தி இருப்பார் என்பது ஐதீகம்.)


மறுநாள் பக்தோத்சவம். ஸ்ரீ ஹனுமத் ஜெயந்தி.
அதற்கு மறுநாள் ஸ்ரீராம நாம அகண்டதாரா
பஜனை. அதற்கு பிறகு விடையாற்றி உற்சவம்.

இவ்வாறு மிகச்சிறப்பாக நடைபெற்ற உற்சவம்,
இன்று கால நிலைக்கு ஏற்ப சுருக்கமாக
நடைபெறுகிறது.






சொர்ணக்காடு ராமர் பற்றி படிக்க.

சம்ப்ராதாய பஜனை
சம்ப்ராதய பஜனை


காலத்தால் அழிக்க முடியாதது ஸ்ரீலஷ்மி நரசிம்ம ஜெயந்தி.