மண்ணின் மைந்தர்கள்....

ஊர்க்காரவுகளை எங்கயாவது கண்டா மனசு
அப்படியே துள்ளி குதிக்கும். அம்புட்டு சந்தோஷமா
இருக்கும்.

இப்போ வலைப்பூக்களில் எங்க ஊர்க்காரவுகளும்
சில பேரு எழுத ஆரம்பிச்சிருக்காங்க..
ரொம்ப சந்தோஷமா இருக்கு.
சீக்கிரமே மதுரைக்காரவுக மாதிரி ஒரு
கூட்டணி ஆரம்பிச்சிட வேண்டியது தான் :)


புதுகை என்று செல்லமாக அழைக்கப்படும் புதுக்கோட்டையைப் பத்தி
என் முந்தைய பதிவுகள் இவை.
இதுவும் தான்.

இந்தப் பதிவு எங்க ஊர்க்காரவுக வலைப்பூக்களுக்கு
ஒரு சுட்டி கொடுக்கலாமே என்பதற்காகத்தான்.

முதலில் நண்பர் சுரேகா.
இவருக்கு அறிமுகம் தேவையில்லை.
அஷ்டாவதானி மாதிரி.
இவரைப்பற்றி உங்களுகுத்தெரியாத ஒரு
விடயம் எங்கள் ஊருக்கு பெரிதும்
புகழ் சேர்த்த ஓவியர் ராஜாவின் (ஆர்டிஸ்ட் ராஜான்னு
சொல்லுவோம்) அவரது மாணவர் நம்ம சுரேகா..

அடுத்து அப்துல்லா.இப்பத்தான் வலைப்பூ ஆரம்பிச்சிருக்காரு.
போய் பாருங்க.

இவரின் உண்மையான பெயர் மொஹைதின்.
ஆனால் தர்மத்தின் தலைவன் ரஜினி
ஸ்டைலில் தமிழகத்தின் தலைவன்னு வெச்சிருக்காரு. எங்க ஊர்காரர்தான்.

இவர் நம்ம ஆயில்யனில் அண்ணன்.
புதுகைக்கு அடிக்கடி வந்து போனவுங்க
மாறிப்போன புதுகையை பத்தி
ஒரு பதிவு போட்டிருக்காரு
அதையும் பாருங்க.


இதுதான் எங்க ஊரு ஆர்ச். விக்டோரியா மகாராணியின் வெள்ளிவிழா
நினைவாகக் கட்டப்பட்டது.

(தகவல் மற்றும் புகைப்பட உதவி தமிழகத்தின் தலைவன். அவரது
பிளாக்கிலிருந்து சுட்டது)




இது மாட்சிமை தாங்கிய கலெக்டர் அலுவலகம் முகப்பு.




இந்தப்படமும் த.தலைவன் பிளாக்கிலிருந்து சுட்டது.




இதோ வலது பக்கம் இருக்கறது தான் எங்க
அப்பா வேலைப்பார்த்த பேங்க்.
இந்தச் சுட்டியை ஆயில்யன் கொடுத்த
அன்றைக்கு அப்பா அருகில் இருந்து
பார்த்துக்கொண்டிருந்தார்.

வங்கியின் புகைப்படத்தைப் பாத்து
சந்தோஷத்தில் கண்ணீரே வந்து விட்டது
அவருக்கு.



ஊர்க்காரவுக எல்லோருக்கும் வாழ்த்துக்கள்.

சரி. ஒரு 10 நாளைக்கு லீவு சொல்லிக்கறேன்.
விருந்தினர் வருகை.. அதனால தான் லீவு.

வர்ட்டா...........