இந்தக்கொடுமையை நான் பாத்தேன்!!!!

ரொம்ப ஆசை ஆசையாய் எதிர் பார்த்து ரொம்ப சர்ப்ரைஸா
டிக்கெட் புக் செஞ்சு தியேட்டருக்கு போனோம். ஆஹா
அந்தக்காலம். பேகி பேண்ட்... 70களில் நடந்தது போல
இருக்கும் படம்னெல்லாம் பேசிகிட்டாங்களேன்னு ரொம்ப
எதிர் பார்ப்போட உக்காந்திருந்தேன். Action replay படம்.

கொடுமைன்னாலும் கொடுமை மஹா கொடுமை அது!!!
ஐஸ்வர்யா ராயும் அக்‌ஷ்யகுமாரும் கணவன் மனைவிகள்
அப்படின்னு சொல்வதற்கு பதில் எலியும் பூனையும்னு
சொல்லலாம்!!! எடுத்ததெற்கெல்லாம் சண்டை போடும்
ரகம். இவங்க மகனுக்கு இதனாலேயே கல்யாணம்னா
வெறுப்பா இருக்கு.

தன்னை விரும்பும் பெண்ணோட தாத்தா கண்டு பிடிச்ச
டைம்மிஷினில் போய் தன் அப்பா அம்மா கல்யாணத்தை
லவ் மேரேஜ்ஜா மாத்துறார். திரும்பி வந்து பாக்கும் பொழுது
இருவரும் சந்தோஷமான தம்பதிகளா இருக்காங்க. இவரும்
கல்யாணத்துக்கு ஒத்துக்கறாரா. கஷ்டம்!!!!



Churake Dil Mera அப்படின்னு அக்‌ஷ்ய் பாடி ஆடின காலத்திலேர்ந்து
நான் அவரோட ஃபேன். அப்புறம் அக்‌ஷயை ரொம்ப பார்க்க
முடிஞ்சதில்லை. சிங் இஸ் கிங் இப்படி சமீபமா நல்லா ஹிட்டான
படங்கள் கொடுத்திருக்காரு. ரொம்ப நாளைக்கப்புறம் நடிப்பை
பாக்கலாம்னு போனதுக்கு பல்புதான் கிடைச்சது. ஹோட்டலில்
வெயிட்டரா இருந்து, கராத்தே உதவியோட பாலிவுட்டில் நுழைஞ்சு
தனக்குன்னு ஒரு இடத்தை தக்க வெச்சிருந்தாலும் இந்தப் படம்
செம பல்பு. ஐஸ்வர்யா ராய் அடாவடி கேரக்டர். ஓம்பூரி, கிரோன் கெர்
எல்லோரையும் வேஸ்டாக்கிட்டாங்க. அந்தக்கால பூனைக்கண் அழகர்
ரண்தீர் கபூரை வேஸ்ட் கேரக்டர் கொடுத்து ரீ எண்ட்ரி தந்திருக்காங்க.

கட்டா மீட்டான்னு ஒரு படம். கொஞ்ச நேரம் பாத்துட்டு ஆஃப் செஞ்சிட்டேன்.
நல்ல வேலை தியேட்டருக்கு போகாம ஃப்ரெண்ட் கொடுத்த சீடியில
பாத்தேனோ தப்பிச்சேன். த்ரிஷா இப்படி ஒரு படத்துல அறிமுகம்.
ஆனா இந்தப் படத்துல அக்‌ஷயோட நடிப்பை குறை சொல்ல முடியாது.
கதைதான் ஜவ்வுமாதிரி இழுக்குது.
ஆக்‌ஷன் ரீப்ளே படத்துல வரும் இந்தப் பாட்டு மாதிரி
படம் பாக்கப்போறவங்களுக்கு “ஜோர் கா ஜட்கா”தான்னு சொன்னதை
புரிஞ்சிக்காம படம் போக்க போனோமேன்னு என்னை நானே
நொந்துக்கறேன்.

இந்த வருடத்தில் நான் பார்த்து நொந்தப் படம் எனும் சிறப்பை
இந்தப் படம் பெறுகிறது. :(((