சந்தேரி சில்க்

சந்தேரி மத்தியபிரதேசமாநிலத்தில் இருக்கும் ஓர் ஊர் இது. இங்கே தயாரிக்கப்படும் சந்தேரி சில்க் மிக பிரசித்தம்.பட்டும், பருத்தியும் கலந்த தயாரிப்பு இது. அதில் ஜரி கொண்டு டிசைன் செய்யும் பொழுது இன்னும் அழகாக இருக்கும்.

லைட்வெயிட் எனும் ரகம் இந்தப்புடவைகள். மெலிதாக இருக்கும்.இந்த வகை துணியை ஸ்ரீகிருஷ்ணனின் உறவினர் சிசுபாலர் கண்டு பிடித்ததாகவும் கதை இருக்கிறது. தூயபட்டு, பருத்தி, பட்டும் பருத்தியும் இணைந்தது என 3 வகையாக தயாரிக்கப்படுகிறது சந்தேரி புடவைகள்.

புடவைகள் மட்டுமல்லாது சுடிதார் மெட்டீரியல்களும் கிடைக்கிறது என்பது கூடுதல் அட்ராக்‌ஷன். :)

சந்தேரி மஸ்லின் துணிக்கும் பெயர் பெற்றது. ஆரம்ப காலத்தில் மஸ்லின் துணியில் ஜரிவைத்து நெய்து கொண்டிருந்தார்கள். பிறகுதான் பட்டு நூல் கொண்டு தயாரித்தார்கள். 1970 லிருந்து புதுமைப்படைப்பாக சில்க் காட்டனில் தயாரிக்கப்பட்டு மக்களின் மனதை மேலும் கொள்ளை கொள்ள ஆரம்பித்தது சந்தேரி சில்க்.

இந்த சில்க்காட்டன் துணியை பெட்ஷீட், சோபா குஷன் கவர் ஆகியவற்றிலும் பயன்படுத்துகிறார்கள். அரச பரம்பரையினர் மிகவும் விரும்பிய ஒரு வகை இது என்பது குறிப்பிடத்தக்க விஷயம். அதனால்தான் இதற்கு GI (GEOGRAPHICA INDUCTION) அந்தஸ்து கிடைத்துள்ளது. மத்திய பிரதேச கைத்தறி நிறுவனமான மிருகநயனி பல இடங்களில் உள்ளது. சென்னையிலும் மிருகநயனி ஷோரூம் இருக்கிறது.