கைவண்ணம் காண வாருங்கள்........

தெலுங்கு சம்ப்ரதாயத்தில் மணமகள் கொளரி பூஜை செய்து அம்மா வீட்டு பக்கம் 5 புகுந்த வீட்டு பக்கம் 5 என மொத்தம் 10 வாயனம் கொடுக்க வேண்டும் (தாம்பூலம்). அது முறத்தில் வைத்து கொடுப்பதுதான் பழக்கம். சிலர் அம்மாவிற்கு கொடுக்கும் வாயனத்தை மட்டுமாவது முறத்தில் வைத்து கொடுக்கிறார்கள். சாட்ட வாயனம் ரொம்ப முக்கியம் (சாட்ட- முறம்) அதையே அழகா டிசைன் செய்து வைத்தால் என்ன வென தோன்ற முறம் வாங்கி கோல்ட் கலர் பெயிண்ட் அடிச்சு டிசைன் செஞ்சேன். தங்கச்சி (சித்தி பொண்ணு) கல்யாணத்துக்கு உதவும்மேன்னு செஞ்சேன். அந்த போட்டோவை சித்திக்கு அனுப்பினா இன்னோரு தங்கச்சி, “அக்கா, என் கல்யாணத்துக்கும், மாமா பசங்க கல்யாணத்துக்கும் இதே மாதிரி செஞ்சு தருவீங்களான்னு!!” கேள்வி. :))

சாட்ட வாயன முறம்

சாட்டவாயன முறம்

முறத்தின் உள்ளே டிசைன்

சில ஆரத்தி தட்டுக்களும் செஞ்சு வெச்சிருக்கேன். கல்யாணம், நிச்சயதார்த்தம் ஆகியவற்றுக்கு உதவுமே. அந்த போட்டோக்களையும் பாருங்க.

மருமகளே!! மணமகளே வா! வான்னு பாடி ஆரத்தி எடுக்கலாம்

பூக்களால் அலங்காரம் செய்யலாம்

ஆரத்தி ப்ளேட் கும்ப டிசைனுடன்

கும்ப டிசைன் சிகப்பு பெயிண்ட் ப்ளேட்டில்

தாம்பூலம் வைத்து கொடுக்க வசதியான ப்ளேட்

கோல ஸ்டிக்கர் உபயோகித்து விளிம்புகளில் ஜரி வைத்துள்ளேன்.

இங்கே ஹைதையில் செம்பு பாத்திரத்திற்கு சில்வர் கோட்டிங் அடித்து விற்பனை செய்கிறார்கள். அஷ்டலக்‌ஷ்மி சொம்பு, தாம்பாளம் என பார்க்க அழகாக இருக்கும்.

கால் கழுவி கன்யாதானம் செய்ய என்று சொல்வார்கள். கால் கழுவும் தாம்பாளம்

சில்வர் கோட்டட் சொம்பு. (கலசம்னே சொல்லாம் நல்லா பெருசா இருக்கு)

ஆரத்தி தட்டுக்கள்!!!!

இனி பண்டிகை காலம். நவராத்திரி, தீபாவளி பண்டிகைகள். ஆரத்தி தட்டுக்கள் தாம்பூலம் கொடுக்க பெரிதும் உதவியாய் இருக்கும். இந்த வகை தட்டுக்கள் கடைகளில் வாங்கினால் பர்ஸ் பழுத்துவிடும். நாமே வீட்டில் செய்யலாம். நான் செய்த படங்களை பார்க்கலாம். ஸ்டீல் ட்ரே வாங்கி அதில் ஃபேபரிக் பெயிண்ட் வாங்கி அடித்தேன்.( ஹார்ட்வேர் கடைகளில் கிடைக்கும் பெயிண்டுகளில் சின்ன டப்பா வாங்கி அதையும் அடிக்கலாம்.) நன்றாக காய்ந்ததும் வீட்டில் இருந்த கோல ஸ்டிக்கரை எடுத்து நடுவில் ஒட்ட வைத்தேன்.

கோலத்தில் குந்தன் ஸ்டோன்களை வைத்து டிசைன் செய்தேன். அழகான ட்ரே ரெடி.

இரண்டு ட்ரேக்கள் இதுமாதிரி ரெடி செய்திருக்கிறேன்.

கடைகளில் கிடைக்கும் மெலமைன் தட்டுக்களில் ஆரத்தி தட்டுக்கள் செய்யலாம். ப்ளைனாக தட்டுக்கள் கிடைக்கவில்லை. அதனால் ப்ரிண்டட் தட்டுக்கள் வாங்கி அதில் என் கற்பனையைக் கலந்து டிசைன் செய்திருக்கிறேன் பாருங்கள்:

ஒவ்வொரு தட்டிலும் குந்தன் கற்களும், 3டி கிளிட்டர்களும் உபயோகித்து இருக்கிறேன்.

வீட்டில் இருந்த லேஸ்களை உபயோகித்து செய்திருக்கிறேன்.

நிச்சயதார்த்தம், திருமணம், கிரஹப்ரவேசம் போன்ற நிகழ்ச்சிகளுக்கு நம் கையால் செய்து பரிசளிக்கலாம். காலத்திற்கும் அவர்கள் வீட்டில் இந்த தாம்பூலத்தட்டுக்கள் நம் பெயர் சொல்லிக்கொண்டு நம்மை நினைவில் வைக்கச் செய்யும்.