ஹைதை ஸ்பெஷல்...ஸ்....

ஹைதரபாத் அப்படின்னு சொன்னா முத்து மணிமாலை தான்
எல்லோருக்கும் ஞாபகம் வரும். அதைத் தவிரவும் ஹைதையில்
சில ஷ்பெஷல்கள் இருக்குங்க. என்னுடைய பல பதிவுகளில்
சொல்லியிருப்பதைத் தவிர்த்து ஹைதை ஷ்பெஷல்ஷாக
இந்தப் பதிவு என்னுடைய 600ஆவது பதிவுங்கோ... :))

மும்பைக்கு அடுத்து கைநிறைய்ய வளையல்கள் அணியும்
பழக்கம் ஆந்திராவில் உண்டு. சார்மினாரில் கிடைக்காத
வளையல் வகைகளே இல்லை. மீனாகாரி, கண்ணாடி,
கல் வகைகள் என வகை வகையாக வளையல்கள். எதை விடுக்க
எதை எடுக்கன்னு தான் யோசிக்கணும்.

ஆனா ஒண்ணு முத்து மாலையோ, வளையல்
வகைகளோ வாங்க சிறந்த இடம் சார்மினார் தான்.
சிட்டியில் விற்கும் கடைகளை விட 40 சதவிகிதம்
குறைந்த விலையில் வாங்கலாம். ஏமாற்றுக்காரர்கள்
எங்கும் இருப்பாங்க. அதனால் சமயோசிதமாக
இருக்கணும். துளசி டீச்சர் பதிவுகளில் சார்மினார்
வளையல் கடைகளில் எங்க ரவுண்ட் அப் பத்தி
போஸ்ட் இருக்கு.


இந்த வகை வளையல்கள் மட்டுமல்ல போல்கி, குந்தன்
செட்டுகள் கூட சார்மினாரில் வாங்கலாம்.
போச்சம்பள்ளி பட்டு, காட்டன் புடவைகள் இங்கே பிரசித்தம்.


குண்டூரில் இருக்கும் மங்களகிரியும் காட்டனுக்கு
புகழ் பெற்ற இடம். அந்த வகையும் இங்கே வாங்கலாம்.
போச்சம்பள்ளி இணையதளத்துக்கு இங்கே.
ஹைதைக்கு வந்தா நேரடியா போய் பாத்து
வாங்கலாம்.

இங்க எவ்வளவோ ஸ்வீட் கடைகள் இருக்கு அதுல ரெண்டு
பேரு ரொம்ப பேமஸ். நெய்யுல செஞ்சு, நெய்யில முக்கி
எடுப்பாங்க அதான் அம்புட்டு விலையின்னு சொல்லும்
அளவுக்கு தரமான ஸ்வீட்ஸ் வாங்க இந்த இடத்தை விட்டா
வேற இடமே இல்லை. அடிக்கடி வாங்க கட்டுப்படி ஆகாது.
எப்பாவாச்சும் ஓகே. அதுவும் இவங்க எக்லெஸ் கேக்
சூப்பர். அப்படி என்ன கடை??

DADU'S புல்லா ரெட்டிகடையை விட டேஸ்ட் அருமை.
இங்க ஒரு முக்கியமான விஷயம் ஸ்வீட் ஸ்வீட்டா
இருப்பது போல காரம் மகா காரமா இருக்கும். பாம்பே
சாட் வாங்கி சாப்பிடும் முன் நல்லா 4 தரம் யோசிச்சுக்கோங்க.
மினி பிட்ஸா ஒரே ஒரு தடவை வாங்கி வந்து
வாய் வெந்து போச்சு.

தாதூஸ் இணைய தளத்துக்கு.



பிஸ்கெட்டுகளில் இத்தனை வகைகளான்னு வாய் பிளக்க
வைக்கும் இடம் கராச்சி. தரம், மணம், சுவை இங்க
மட்டும் தான்.


சார்மினார் போகும் வழியில் இவங்க கடை இருக்கு.
சார்மினார் போகும் போது வாங்கிக்கிடலாம்.
இணைய தளத்துக்கு இங்க.

மொகல் வகை உணவுகள் ஹைதையில் பிரசித்தம்.
அதில் இப்ப வரைக்கும் அழியாப்புகழில் இருப்பது
ஹைதரபாத் பிரியாணி. வெஜிடபிள், சிக்கன், மட்டன்
என எல்லாவகை பிரியாணியும் கிடைக்கும். ஹைதரபாத்
ஹவுஸ், அது இதுன்னு ஆயிரம் இடம் இருந்தாலும்
சுவையா இருக்கணும்னா நீங்க போக வேண்டிய
இடம் இரண்டுதான். அதிலும் த பெஸ்ட் PARADISE
BIRYANI தான். பிரியாணியோடு கிடைக்கும்
மிர்ச்சிகா சலன் இல்லாம சாப்பிடாதீங்க.அவங்களே
கொடுப்பாங்க. :))

அடுத்து RTC CROSS ROADS BAWARCHI இந்த இரண்டு
இடம் தான் சிறந்த பிரியாணி கிடைக்கும்.



ஹைதை ஷ்பெஷலில் அசைவ பிரியர்களுக்காக இது:

ஹைதை ஹலீம் என்பது இந்த உணவுக்குப்பெயர்.
ரமலான் மாதத்தில் மட்டுமே இது இங்கே
தயாரிக்கப்படுகிறது. நோன்பு துறக்க இதை சாப்பிடுவாங்க.

HALEEM WIKIPEDIA



ஹோட்டல்களை விட சர்வீஸ்டு அப்பார்ட்மெண்ட்ஸ்
ஹைதையில் நல்லா இருக்கு. இங்கே போனா பாக்கலாம். 1000 முதல் 1500
ரூபாய் பட்ஜெட்டில் பேகம் பேட் ஏரியாவில் இரண்டு
இடங்கள் எனக்குத் தெரியும். யாரும் வருவதாக இருந்தால்
மெயில் அனுப்புங்க. விவரங்கள் அனுப்பி வைக்கிறேன்.

பேகம் பஜார் பக்கம் போனால் சுடிதார் ட்ரெஸ் மெட்டீரியல்ஸ்
குறைந்த விலையில் வாங்கலாம். சார்மினார் ஏரியாவில்
லேஸ்கள், பேக்குகள் எல்லாம் எல்லாம் வாங்கலாம்.
பொறுமை, பேரம் பேசும் திறமை ஆகியவற்றுடன்
நிறைந்த பர்ஸோடு ஹைதைக்கு வந்தால் ஆனந்தமாக
ஷாப்பிங் செய்யலாம். ஷாப்பிங் செய்யாத பொழுது
சிறுது அல்ல அல்ல பெரிது வயிற்றுக்கும் ஈயலாம்.

:))))

டிஸ்கி
புகைப்படங்கள் மற்றும் இணைய தளங்கள் காதில்
புகை ஏற்படவும் கொடுக்கப்பட்டிருக்கிறது என்பதை
தாழ்மையுடன் தெரிவித்துக்கொள்கிறேன். வயிற்றெரிச்சல்
ஏற்பட்டால் கம்பெனி பொறுப்பாகாது.

இ - சேவை

போன் பில், எலக்ட்ரிக் பில், எல்லாம் க்யூவில் நின்று
கட்டுவது மகா கொடுமை. நிறைய்ய்....ய
பொறுமையும் வேணும். வங்கிகளில் கட்டலாம்,
நமது வங்கிக்கணக்கிலிருந்து கட்டலாம் என்றாலும்
அதற்கு 10 ரூபாயாவது வசூலிப்பார்கள்.


வெயிலில் நின்று வதங்காமல் நமது முறை வரும்
வரை நாற்காலியில் அமர்ந்திருக்க, தலைக்கு மேல்
மின் விசறி..... ஹலோ . நான் கனவெல்லாம்
காணவில்லை. இப்படித்தான் நான் ஒவ்வொரு
மாதமும் சொகமாக பில் கட்டுகிறேன்.

எப்பிடி என்கிறீர்களா? அதுதான் E-SEVA.






அரசாங்கத்திற்கு செலுத்த வேண்டிய எந்த ஒரு
பணத்தையும் இங்கேயே செலுத்தலாம்.
இந்த சேவையால் அரசாங்கத்திற்கும் சரி
பொதுமக்களுக்கும் சரி நல்லதுதான்.

பிறப்பு இறப்பு பதிவு, சான்றிதழ்கள்
எல்லாம் வரிசையில் நிற்காமல், இடைத்தரகர்களுக்கு
லஞ்சம் கொடுக்காமல் அழகாக கிடைத்துவிடும்.

வரி செலுத்துவதும் மிக சுலபமாக இருக்கிறது.
ஹைதராபாத்தில் மட்டுமல்லாமல் ஆந்திரபிரதேசம்
முழுவதும் இந்தச் சேவை இருக்கிறது.
தலைநகர் ஹைதராபாதில் மட்டும் 40ற்கும்
மேற்பட்ட இ-சேவை மையங்கள் இருக்கின்றன.

கணிணியின் உபயோகத்தை மக்களும் அறிய
வேண்டும் என்கின்ற நோக்கத்தில் ஆரம்பிக்கப்பட்டுள்ளது.

கவர்ண்மெண்ட் டெண்டர்கள், ஆர்டர்கள் எல்லாம்
தரவிறக்கம் செய்து கொள்ளலாம்.

இங்கே எந்த சேவைக்கு சேவை கட்டணம் வசூலிக்கபடுவதில்லை.

காலை 8 மணியிலிருந்து இரவு 8 மணி வரை
இந்த மையங்கள் இயங்குவதால் அலுவலக
வேலை முடிந்தபிறகு நிம்மதியாக கட்டலாம்.

ஆன்லைனில் பதிந்துவிட்டால் வீட்டில் அமர்ந்தே
ஆன்லைனில் பணம் செலுத்திவிடலாம்.

இ-ஆன்லைன் சேவையின் நோக்கம் இதுதானாம்.

" To provide Citizen Services
To provide Information Citizen Services
To educate the citizen on Andhra Pradesh Government "