ஹைதை ஆவக்காய பிரியாணி - 13-11-14

பிரியாணி போட்டு ரொம்ப நாளாச்சு. :) வாங்க சுடச்சுட சாப்பிடலாம்.
 ****************************************************************************
 கடப்பான்னு ஊர் ஆந்திராவுல இருக்கு. கேள்வி பட்டிருப்பீங்க. அதென்ன
கடப்பான்னு பேர்.  எங்க ஊர் பக்கம் கடப்பான்னு ஒரு வித குருமா சாப்பிடும்போது கூட எதுக்கு எது பேர். எதனலன்னு கன்ஃப்யூசிங் .
கடப்பா கல்லு கிடைக்குதா, அதனாலத்தான் அப்படி பேரான்னு யோசிச்சிருக்கேன். இப்பதான் அதுக்கு பதில் கிடைச்சது.
தெலுங்குல “கடப்பா(கடப்ப)” என்றால் “வாசற்படி”. இந்த ஊருக்கும் அதான் பேரு. வாசற்படி எதுக்கு? எல்லாம் நம்ம வெங்கி தரிசனத்துக்குத்தான். இந்த ஊருக்கு வந்து இங்கே இருக்கும் லக்‌ஷ்மி வெங்கடசேஸ்வர சாமியை கும்பிடுவதுதான் திருப்பதி போவதற்கு முதல் படியாம். இங்க வந்து தரிசனம் செஞ்சிட்டு அப்புறம் திருப்பதி போனா பலிதம் என்பதாலத்தான் இந்த ஊருக்கு இப்படி ஒரு பேர். அந்த கோவில் அமைந்திருக்கற கிராமத்துக்கு பேரு கூட
தேவுனிகடப்ப. சாமியின் படின்னு அர்த்தம். சூப்பரா இருக்குல்ல.
********************************************************************************


 ஊர் ரெண்டு பட்டா கூத்தாடிக்கு கொண்டாட்டம்னு சொல்வாங்க. அந்த மாதிரி தான் ஆகிப்போச்சு எங்க கதை. தெலங்கானாவாகி 6மாசம் ஆகுது. வைஃபை சிட்டியாக்குறோம்னு சொல்றாங்க, Tankbund சுத்தி அடுக்குமாடி கட்டி
அழகாக்குறோம்னு சொல்றாங்க. எதுவும் ஆகுறவரைக்கும் ஒண்ணும் சொல்வதற்கு இல்லை. அரசாங்கம் நடக்குதான்னு டவுட்டா இருக்கு.
6 வருஷம் முன்னால இங்க விலைவாசி ரொம்ப குறைவு. இப்ப தமிழ்நாட்டைவிட இங்கதான் பெட்ரோல் விலை ஜாஸ்தி. படுத்துகிடக்கும் ரியல் எஸ்டேட் எப்ப எந்திரிக்குமோ? வாடகையும் குறைஞ்சு போச்சு
என்னவோ போடா மாதவா ரேஞ்சுக்கு புலம்பல் தான்.
****************************************************************************
பக்கத்து மாநிலமான ஆந்திராவுக்கு அதிர்ஷ்டம் சந்திரபாபு நாயுடு கிடைச்சிருக்காருன்னு தெலங்கானா காரங்களே சொல்வதை கேட்டிருக்கேன். அந்த கண்ணுதான் பட்டுடிச்சு போல. ஹுட் ஹுட் புயல் விசாகபட்டிணத்தை புரட்டி போட்டு வெச்சிருக்கு. பச்சை பசேல்னு இருந்த ஊர்ல மரமே இல்லையாம். கைலாஷ் ஹில்ஸ் கூட செம சேதாரமாம். பாவம் நாயுடு. அக்டோபர் 2முதல் கரண்ட் கட் இருக்காதுன்னு சொன்னாரு. ஆனா பாருங்க 10 நாளைக்கு கரண்டே இல்லாம மக்கள்ஸ் தவிக்க வேண்டியதா போச்சு. ஆனாலும் ஐயா களத்துல இறங்கி துரிதமா வேலை பார்த்ததை மக்கள்ஸ் பாராட்டிங்
******************************************************************************
 நேத்து 1.30 மணி நேரம் சரியான மழை. சொல்லாம கொள்ளாம வந்திருச்சு.
அப்படியே ஷாக்காகிட்டேன் ரேஞ்சுக்கு மக்கள்ஸ் ஷாக்காகி தவிச்சாங்க.
முகநூல்ல கூட “உங்களுக்கு நீஞ்ச தெரியாதா? அப்படியே தொலி சவுக்கி ஏரியாவுக்கு வாங்க. நீச்சல் கத்துக்கலாம்னு “ போட்டோ போடுற அளவுக்கு மழை. ஆனா இந்த மழை ஒரு 26 வயசு பொண்ணை காவு வாங்கிடிச்சு. அங்கங்க திறந்து கிடக்கும்  சாக்கடையில் ஒரு பெண் விழுந்து பாவம். ஹிமாயத் நகர் ஏரியாவுல தன் வீட்டுக்கு ரொம்ப பக்கத்துலயே ஒரு பெரியவர் இந்த மாதிரி விழுந்து போயிட்டாரம்.
******************************************************************************
அமிர்கான் ஷோ இந்த தடவையும் நல்லா இருந்துச்சு. இந்த வாட்டியும் ஏதோ ஒரு எபிசோடுக்காக வழக்கு தொடர்வதும் நடந்துச்சு.  ஆனாலும் அவரை பாராட்டணும். அது மனநலம் பத்தின எபிசோட் சூப்பர்ப்.
**********************************************************************************
மாரி மழை பெய்யாதோ மக்கள் பஞ்சம் தீரன்னு பாட்டு கேட்டிருக்கோம்.
முத்தமழை பொழிந்து கொண்டார்கள்னு கதைகள்ல படிச்சிருக்கோம். ஆனா பொது இடத்துல “முத்தமழை போராட்டம்” தலைநகரில் நடந்ததுன்னு படிச்சேன். இது தப்பா சரியான்னு சொல்லலை. இதைப்பத்தின செய்திகள் பார்த்தப்ப அவங்க கிட்ட இருந்த போர்டில் இருந்த வாக்கியம் பிடிச்சிருந்தது.
”பொது இடத்துல பாத்ரூம் போறாங்க அது தப்பில்லைன்னா, பொது இடத்துல முத்தம் கொடுப்பதும் தப்பிலைங்கற” மாதிரியான வாசகம் அது. ம்ம்ம்ம்ம்
********************************************************************************
இந்த வீடியோ நல்லா எடுத்திருக்காங்க.
 

ஹைதை ஆவக்காய பிரியாணி 28/2/13

ஹைதையில் பயங்கரவாத தாக்குதல் நடந்து இன்றோடு ஒருவாரம் ஆகிறது :(( இது இங்கே ஒன்றும் புதிதல்ல. ஆனால் பெரும் அளவில் இந்த தாக்குதலை நடத்த திட்டமிட்டிருந்திருக்கிறார்கள். உண்மையில் தில்குஷ் நகரில் இருக்கும் சாய்பாபா கோவிலைத்தான் தாக்க திட்டம். வியாழகிழமை, கூட்டம் அதிகம் இருக்கும் என்பதால் உயிர்ச்சேதத்தை கணிசமாக்க நினைத்திருந்தினர். போலீஸ் உயரதிகாரி ஒருவர் எதிர்பாராமல் மாலை பூஜையில் கலந்து கொள்ள வந்ததால் போலீஸ் கெடுபிடி பார்த்து தீவரவாதிகள் இடத்தை மாற்ற வேண்டிய கட்டாயம் ஏற்பட்டிருக்கிறது. (இந்த சாய்பாபா கோவிலை சென்ற முறை கூட தாக்க திட்டமிட்டிருந்து என்பது முக்கியமான தகவல்)

இதில் இன்னும் கொடுமையான விஷயம் 2007ஆம் வருடம் மெக்கா மஸ்ஜித்தில் நடந்த தாக்குதலில் தன் காலை இழந்த வாலிபர் ஒருவர் மீண்டும் இம்முறை இந்த தாக்குதலில் படுகாயம் அடைந்திருக்கிறார்!! :((

******************************************************************************

ரொம்ப நாளா மண்டையில குடைஞ்சுகிட்டு இருந்த விஷயத்தை  சமீபத்தில் நடந்த சர்வேயில் பலரும் சொல்லியிருக்காங்க. அதிகமா பணம் இருந்தும் ஒழுங்கா முறையா வரிகட்டாதவங்க கிட்ட அதிக வரி வசூலிச்சா என்னான்னு யோசிச்சிருக்கேன். அதையே பலரும் எதிரொலிச்சிருக்காங்க.

இது மட்டும் நடைமுறைக்கு வந்தா நல்லா இருக்கும். பாப்போம்.

******************************************************************************

ருட்யார்ட் கிப்லிங்  அவர்களின் கடைசி 50 கவிதைகளை கண்டு பிடிச்சிருக்காங்க. இவைகளை வெகு சீக்கிரமே அச்சிடப்போறாங்க. 1936லேயே கிப்லிங் இறந்திட்டாரு. இப்ப வரைக்கும் அவருடைய 50 கவிதைகள் வெளியே தெரியாம இருந்திருக்கு....

கெமரூன் இந்தியா வந்து ஜாலியான் வாலாபாக் போய் இது நடக்காம இருந்திருக்கலாம்னு எல்லாம் செண்டிமெண்டா சொல்லிட்டு,  கோஹினூர் வைரத்தை தரமாட்டோம்னு சொல்லிருக்காரு.  அதை கொடுத்திருந்தா பெரியவர் மனசார ஃபீல் பண்ணாருன்னு நினைக்கலாம். இப்ப முதலைக்கண்ணீர்னு தான் தோணுது.
*******************************************************************************

போன வார  குண்டு வெடிப்புக்கு அப்புறம் ஹைதையில் பல சுற்றுலா தலங்கள் மூடப்பட்டிருக்கு. லும்பினி பார்க் (போன முறை தாக்கப்பட்டது)
ஒரு வாரமா  மூடப்பட்டிருந்தது. ஹுசைன சாகரில் போட்கள் போகவில்லை. தன்னை யாரும் பார்க்க வரலையேன்னு புத்தா நினைச்சிருக்கலாம்.

பேகம் பசாரில் குண்டு வெச்சிருக்கோம்னு செய்தி வந்தது. குண்டு வைக்கறவங்க இங்க வைக்கறேன்னு சொல்லிட்டா வெப்பாங்க. சார்மினார் போக வேண்டிய வேலை இருந்தது. போகலாமா வேணாமான்னு யோசனைதான்னாலும் குருட்டு தைரியத்தில் கிளம்பிட்டோம். (மாமா மகளுக்கு பர்ச்சேஸ் செய்ய)  எப்பவும் சார்மினாரை சுத்தி கன்னாபின்னான்னு ஆட்டோக்களும், கார்களும் போய்கிட்டு இருக்கும்.  ஆனா நேற்று போலீஸ் பந்தோபஸ்து ஜாஸ்தியாவே இருந்தது. ஆட்டோவை நிக்கவே விடலை.  பார்க்கவே அந்த இடம் அருமையா இருந்தது. வாகன போக்குவரத்துஇருந்தாலும் கொஞ்சம் நிதானமா நடக்க முடிந்தது.

சார்மினார் பக்கம் எப்பவுமே இந்தமாதிரி இருந்தா நல்லா இருக்கும்.
******************************************************************************
சார்மினாரில் ஒரு லட்சுமி கோவில் இருக்கு பாருங்கன்னு சொன்னாரு அங்கே கடை வைத்திருக்கும் எனக்கு தெரிந்த நண்பர் ஒருவர்.

எத்தனை வாட்டி சார்மினார் போயிருக்கோம், இது தெரியாதேன்னு நினைச்சு மாமா மகளையும் கூட்டிகிட்டு போனேன். சார்மினாரின் ஒரு பக்கம் இந்த லட்சுமி கோவில். பாக்யலட்சுமினு அம்மனுக்கு பேராம்.

சார்மினாருக்கு கீழே ஆரஞ்சு வண்ண கொடிகளுக்கு கீழே தெரியுது பாருங்க அதான் அந்த கோவில். புராதனமானது, சுயம்புன்னு மக்கள் சொல்றாங்க. ஆனா இது 1969க்கு அப்புறம்தான் அமைக்கப்பட்டிருக்குன்னு சொல்றாங்க.  டென்ஷன் வெடிக்கும் சூழலில் இந்தக் கோவில் இருப்பதால எப்பவுமே அங்கே போலீஸ் பாதுகாப்பு இருக்கும்.

ஹைதை ஆவக்காய பிரியாணி 13/12/12

12-12-12 ஜுரம் ஏறி இறங்கிருச்சா!!!! இந்த நாள் திரும்பிவராதுன்னு பலர் செண்டியா மெசெஜ் அனுப்பிகிட்டு இருந்தாங்க. அதுல ரசிச்ச மெசெஜ். 12-12-12 மட்டுமல்ல எந்த நாளுமே திரும்ப வராதே!!! பாயிண்ட். ************************************************************************************* மாயன் காலண்டர் படி 21/12 உலக அழிவுநாள்னு சொல்லிகிட்டு இருந்தாங்க. BUGARACH - அப்படிங்கற இந்த இடம் மட்டும் அழிவுலிருந்து தப்பிக்கும்னு சொல்லியிருக்காங்களாம். அது தற்போதைய ஃப்ரான்ஸில் இருக்குன்னு சொல்றாங்க.

எல்லோரும் டிக்கெட் வாங்கி அங்க போக முடியுமா!!! அதனால விதிப்படி நடக்கட்டும்னு இருங்கன்னு பெரியவங்க சொல்றாங்க. இதனால ஃப்ரான்ஸ் அதிகாரிகள் அந்த மலையாடிவாரத்தில் மக்கள் குவிவதை தடுக்க ஏற்பாடுகள் செய்யறாங்களாம். டிசம்பர் 19-23 வரை அங்கே மக்கள் போவதை தடுக்க போறாங்களாம். இங்கே போய் பார்க்கலாம்: நம்ம இந்தியர்களுக்கு ஏற்கனவே கீதாசாரத்தில் சொல்லப்பட்டதை மனசுல வெச்சுக்கிட்டா போதும். ********************************************************************************* உலக அழியும்னு சொல்லியும் எந்த முன்னேற்பாடும் நாம செய்யலை, செய்யவும் முடியாது. அதனால அடுத்த பகிர்வு என்னன்னா? THE WEEK டிசம்பர் 9 இதழோட THE WALLET அப்படிங்கற இணைப்பு கொடுத்திருக்காங்க. கண்டிப்பா வாங்கி படிச்சு மனசுல வெச்சுக்க வேண்டிய விஷயங்கள் இதுல இருக்கு. கஷ்டப்பட்டு சம்பாதிப்பதை என்னென்ன வகையில சேர்த்து வைக்கலாம்னு ஐடியா, அதுவும் அந்தந்த வயதுக்கு தகுந்தா மாதிரி கொடுத்திருக்காங்க. அவங்க சொன்ன அளவுக்கு இப்ப சேமிக்க கஷ்டம்னாலும் குருவி சேக்கறா மாதிரி ஒரு ஆரம்பமா வெச்சு செய்யலாமே!! என்ன சொல்றீங்க. ************************************************************************************* ஹைதை மாதாபூரில் இருக்கும் அவியல் உணவகத்தை பத்தில் டைம்ஸ் ஆஃப் இந்தியாவில் படிச்சிட்டு அங்க போகணும்னு முடிவு செஞ்சு போனோம். எங்க வீட்டுலேர்ந்து 20கிமீ தூரம் வேற. மெனுகார்டில் விதம் விதமா இருந்துச்சு. பசங்க குழிப்பணியாரம் ஆர்டர் செஞ்சாங்க. நான் ஆப்பம் ஆர்டர் செஞ்சேன், அயித்தான் இடியாப்பம் சொன்னாங்க. ஆர்டர் எடுத்த ஆள் இந்த 3மே இல்லன்னு சொன்னாங்க. அப்புறம் என்னதான்யா இருக்குன்னு கேட்க வெரைட்டி இட்லிகள், தோசைகள் எல்லாம் இருக்குன்னு சொன்ன்னாங்க. வகைகள் வித்தியாசமா இருக்குன்னாலும் இட்லி தோசை சாப்பிடவா அம்புட்டு தூரம் போனோம்!!

மேனேஜரை கூப்பிட்ன்னு கொஞ்சம் காட்டா சொன்னதும் வந்தார். நம்ம தர்மபுரி காரராம். ஐடியில வேலை பார்க்கும் நண்பர்கள் சேர்ந்து நம்ம ஊர் சாப்பாடு வேணும்னு நினைப்பவங்களுக்காக ஆரம்பிச்சிருக்கதா சொன்னாரு. நீங்க சொன்ன அந்த 3 அயிட்டம் மட்டும் மெனுகார்டில் மட்டும்தான் இருக்கு. 2 மாசத்துல வந்திரும்னாங்க. :( அடை,அவியல் ஆர்டர் செஞ்சோம். அன்றைய ஷ்பெஷல் செட்டிநாடு அரிசி அடைன்னு சொன்னார். அதையும் ஆர்டர் செஞ்சோம். டூ இன் ஒன் தோசைன்னு ஒண்ணு அவங்க ஷ்பெஷல்னு சொல்ல அதையும் ஆர்டர் செஞ்சோம். சும்மா சொல்லக்கூடாது உணவோட ருசி சூப்பர். நம்ம வீட்ல செய்யறமாதிரி இஞ்சி எல்லாம் போட்டு அடை. அதுக்கு தோதா அவியல். செட்டிநாட்டு அரிசி அடைக்கு சூப்பரா ஒரு காரச்சட்னி, தோசையும் சூப்பர். :) ஒரு விசிட் கண்டிப்பா செய்யலாம். காசுக்கேத்த தோசை!! ********************************************************************************* பேப்பர் படிக்கும் போது மனதை சங்கடம் அடைய செய்யும் விஷயத்தில் முக்கியமானது பள்ளியில் பிள்ளைகள் சித்ரவதை படுத்தப்படுவது. டீச்சர் அடிச்சு கை ஒடிஞ்சது, முகத்தில் காயம், கண்ணில் ரத்தம் எல்லாம் போய், ஹெட்மாஸ்டர் கோவத்துல அடி பின்னியதில் படக்கூடாத இடத்தில் பட்டு அந்த இடம் வீங்கி அந்தக்குழந்தை இறந்தே போய்விட்டது!!! :( குழந்தைகளை உளவியல் ரீதியா ட்ரீட் செய்யணும்னு இவங்களுக்கு யார் சொல்லிக்கொடுப்பது!!! ஒசோலோவில் ஆந்திரா பெற்றோர் குழந்தையை சித்ரவதை செய்தார்கள்னு ஜெயிலில் போட்டாங்க. நம்ம நாட்டுல அப்படி ஒரு சட்டம் இருந்தா புதுசா ஜெயில்கள் கட்ட நேரும். எல்லோருமே அப்படின்னு சொல்ல வரலை. ஆனா நிறைய்ய கூட்டம் இருக்கு. பெத்தவங்களை விடுங்க இப்படி ஆசிரியர்கள் சித்ரவதைக்கு ஒரு முற்றுப்புள்ளி வைக்கணும். அதுவரையில் எல்லா பிள்ளைகளை காப்பாத்துன்னு இறைவனுக்கு ஒரு வேண்டுகோள், பிரார்த்தனை!!! *************************************************************************************

அப்புறம் இந்த கேஸ் சிலிண்டர் விவகாரம். மான்யவிலையில் 6 சிலிண்டர்கள் மட்டும்தான்னு அரசாங்கம் அறிவிச்சு 4 மாசம் ஆச்சு. இந்த 6 எப்பலேர்ந்து கணக்கு? அதுதான் குழப்பமே. தெளிவா கேட்டுகிட்டு வந்து உங்ககிட்ட பகிர்ந்துக்கறேன் இப்ப. செப்டம்பர் மாதம் தான் இந்த அறிவிப்பு வந்தது. அதனால அதுக்கு முன்னால நீங்க எத்தனை சிலிண்டர் வாங்கினாலும் அதைப்பத்தி கணக்கில்லை. ஆனா செப்டம்பர்லேர்ந்து மார்ச் வரை உங்களுக்கு 3 சிலிண்டர் மான்யவிலையில் கிடைக்கும். பிப்ரவரிக்குள்ளேயே மான்ய சிலிண்டர் கோட்டா முடிஞ்சிருச்சுன்னா 1000 ரூவா கொடுத்து வாங்கணும்.

அடுத்த ஏப்ரல் 2013 - மார்ச் 2014 வரை புதுசா உங்களுக்கு 6 மான்யவிலை சிலிண்டர் கிடைக்கும். அப்புறம் முக்கியமான விஷயம் நாம் கேஸ் கனெக்‌ஷன் வாங்கினப்ப பாஸ்புக் ஒண்ணு கொடுத்தாங்கள்ல.... அதைத்தேடி எடுத்து கைகெட்டும் இடத்துல வெச்சுக்கோங்க. கேஸ் புக் செஞ்சதும் அந்த தேதி அந்த நம்பர் எல்லாம் எழுதி வெச்சுக்கிட்டு கேஸ் டெலிவரி ஆள்கிட்ட அதுல டெலிவரி தேதி எழுதி கையெழுத்து வாங்கி வெச்சுக்கதால, நமக்கு எவ்வளவு மான்ய சிலிண்டர் ஆகிருக்குன்னு தெரியும், எந்தெந்த தேதில புக் செஞ்சிருக்கோம்னு ரெக்கார்டும் இருக்கும். இது இனி கண்டிப்பா செய்ய வேண்டிய விஷயம். வீட்டுல இருக்கறவங்களுக்கும் இந்த பாஸ்புக் மேட்டர் சொல்லி மறக்காம கையெழுத்து வாங்கி வெச்சுக்க சொல்லுங்க.

*******************************************************************************

ஹைதை ஆவக்காய பிரியாணி 27/8/12

ஆந்திராவில் 717 இஞ்சினியரிங் கல்லூரிகள் இருக்கு. என்ன மாதிரி
பணத்தை பிடுங்கறதுன்னு புரியாம இருந்தாங்க. அதனால எம்செட்
(லோக்கல் எண்ட்ரன்ஸ்) ரிசல்ட் தள்ளிவைப்புன்னு ஏகபட்ட
கலேபரம். அதிக பட்சமா 1.05 லட்சம் வரைக்கும் ஃபீஸ் வாங்கிக்கப்பான்னு
அரசாங்கமே சொல்லிடிச்சு. மேனேஜ்மெண்ட் கோட்டான்னா அதுக்குத்
தனி ஃபீஸ்!!!!! ஆந்திராவில் இஞ்சினியரிங் படிக்கறவங்க அதிகம்.
பாவம் பெற்றோர்கள். :((
***********************************************************************
அரசாட்சின்னா என்னன்னு சொல்லமுடியாத ஒரு கந்தர்வகோலத்தில்
இருக்கு இப்ப ஆந்திரா. இருக்கும் சொச்ச வருஷத்தையும் இப்படித்தான்
ஆளப்போகுது காங்கிரஸ்னா அடுத்து எலக்‌ஷன் வெச்சா ஓட்டுப்போட
மக்கள்ஸ் இருக்கணும்!!! அதுசரி மத்தியிலேயே அவங்க ஆட்சி
டான்ஸ் ஆடும்போது மாநிலத்தில் தப்பில்லையே.

முன்னேற்றம் என்பது மருந்துக்கும் இல்லாத ஒரு மாநிலமா
ஆகிடிச்சு ஆந்திரா. வரி,வட்டி, கிஸ்தி இதெல்லாம் நாங்க ஏன்
வெள்ளையனுக்கு கொடுக்கணும்னு அடிச்சு பத்திவிட்டோம்.
ஆனா நம்ம ஆளுங்களே நமக்கு தொட்டதுக்கெல்லாம் வட்டி
போட்டு மக்களை நசுக்கும் கொடுமை.
*********************************************************************
சமீபத்தில் ரசித்த காமெடி:

ஏண்டா நண்பா அந்தக்கடையில நகை வாங்கி அதை இன்னொரு
இடத்தில அடகு வெக்கற???

பாரு எனக்கு நாகார்ஜுனாவும் ஒண்ணுதான், வெங்கடேஷும்
ஒண்ணுதான்.அவங்க ரெண்டு பேரும் மாமன் மச்சானா
இருக்கலாம்! ஒருத்தர் பேச்சைக்கேக்கலைன்னு இன்னொருத்தர்
கோவிச்சுக்க கூடாதுல்ல....

என்ன சொல்ற??!!!??

நாகார்ஜுனா “கல்யாண் ஜுவல்லர்ஸ்” விளம்பரத்துல வந்து
நகை வாங்கச் சொல்றாரு. வெங்கடேஷ் ”மணப்புரம் கோல்
லோன்ல” வந்து நகையை அடகு வெக்கச் சொல்றாரு.
அதான் அந்தக்கடையில வாங்கி இங்க அடகு வெச்சேன்.!!!!

( வெங்கடேஷின் சகோதரி நாகார்ஜுனாவின் முதல் மனைவி)
:)))))
****************************************************************
திரைப்படங்களில் குணசித்திர நடிகரா இவரைப் பார்த்திருக்கிறேன்.
எனக்கு மிகவும் பிடித்த பாவர்ச்சி படத்தில் மூத்த அண்ணனா
வருவார். அபிமான் படத்தில் ஜெயாபாதுரியின் தந்தையா
நடிச்சிருப்பார். ஷோலே, நமக்ஹராம் இதெல்லாம் இவருக்கு
நல்ல பேரு வாங்கி கொடுத்த படம்.

நேத்து ஃபில்மி சேனலில் அபிமான் பாத்தபோது கூட
ஆகா இவருக்கு உடம்பு சுகமில்லாம இருக்கேன்னு நினைச்சேன்.
இன்னைக்கு காலையில் செய்தியில் இயற்கை அடைஞ்சிட்டாருனு
படிச்சு வருத்தமா இருந்தது. சுதந்திர போராட்ட தியாகியா இருந்து
பின்னாடி நாடகங்களில் நடிச்சு அப்புறமா சினிமாவுக்கு வந்தவர்
A. K. Hangal. 98 வயசுல இறந்திருக்காரு. ஆன்மா சாந்தி
அடைய என் பிரார்த்தனைகள்.

************************************************************************
அப்பா,அம்மா வந்திருந்தாங்க. பசங்களுக்கு கொண்டாட்டம்தான்.
அதுவும் தாத்தாவுக்கும் பேத்திக்கும் நடக்கும் செல்ல சண்டைகள்....
ம்ஹூம் சான்சே இல்ல. வரவிருக்கும் பிறந்தநாளுக்காக அப்பா
பணம் கொடுத்து ட்ரெஸ் வாங்கிக்கச் சொல்லிக்கொண்டிருந்தார்.
“தாத்தா! பொண்ணை கவனிக்கறீங்க சரி!! அப்படியே ஏதோ
கொஞ்சம் பேத்தியையும் கவனிங்க!!!!” என டக்கென சொல்லவும்
அப்பாவுக்கு செம சந்தோஷம். பேரப்புள்ளைக இப்படி பேச
கொடுத்து வெச்சிருக்கணும். :)(இதுவே நாங்க பேசி
இருந்தா பல் உடைஞ்சிருக்கும். :( )

தீபாவளிக்கு தம்பி ஹைதை வருவதாகவும், அதனால அப்பா
அம்மாவும் அதுக்கு முன்னாடியே கிளம்பி ஹைதை வந்து
பண்டிகையை இங்கே ஆனந்தமா கொண்டாடுவதாகவும் திட்டம்.
அம்மம்மா தாத்தா வரும்பொழுது கொண்டுவரச்சொல்லி
பேரன் பேத்திகள் கொடுத்திருக்கும் லிஸ்ட்டில் முக்கிய
இடம் “ 3 கிலோ ரவா லட்டு பொடி, தீபாவளி லேகியம்”

என்ன ஒரு திட்டம் பாருங்க!!!! :))
******************************************************************
இப்படி ஏமாந்திட்டோமேன்னு இருக்கு.!!!!

நம்ம முகம் யாருக்கும் தெரியாது என்பதால பல சொளகர்யங்கள்,
அசொகரியங்க. :)) சேட்டைக்காரன் பதிவுகள் படிச்சிருப்பீங்க.
அவர் என் பதிவுக்கும் வந்திருக்காரு. வாங்க சேட்டைத்தம்பின்னு
நானும் வரவேற்று கமெண்ட்டெல்லாம் போட்டிருக்கேன்.
இன்னைக்கு அவரோட புகைப்படத்தை இங்கே பார்த்தேன்.

அண்ணாச்சி என்னிய போய் அக்கான்னு சொல்லிட்டீங்களே இது நியாயமா?

அவ்வ்வ்வ்வ்வ்வ்வ்வ்வ்வ்.

ஹைதை ஆவக்காய பிரியாணி 17/8/12

அம்மா,அப்பா ஹைதை வந்திருக்காங்க. போன சனிக்கிழமை
டிக்கெட் புக் செஞ்சாச்சு படத்துக்கு போகலாம்பான்னு சொன்னேன்.
அப்பா நான் வரலைன்னு சொன்னாரு. கேன்சல் செய்ய முடியாது
கண்டிப்பா போவோம்னு சொல்லி அழைச்சு போனப்படம் “ஈகா”
தெலுங்கில் பாத்தோம். செம படம். ராஜமொளலியை தலையில்
வெச்சு கொண்டாடுவதில் தப்பே இல்லை. ஈயோடு போட்டி போட்டு
சுதீப் நடிப்பு சூப்பர்.

இதுவரைக்கும் பாக்கலைன்னா கண்டிப்பா ஒருவாட்டி பாத்திருங்க.
ஏன்னா? வரமாட்டேன்னு சொன்ன எங்கப்பா இன்னொரு வாட்டி
படம் பாக்கணும்மா ரொம்ப நல்லா இருக்குன்னு சொல்லிட்டாரு. :))

**********************************************************************
இது பெண்களுக்கான தகவல். (ரங்க்ஸ்கள் படிச்சாலும் தங்க்ஸுக்கு
சொல்லுங்க)
அடிக்கடி தலைவலி, முதுகுவலின்னு வருதா? மருந்து சாப்பிட்டாலும்
பெருசா வித்தியாசம் தெரியாம இருந்தா எதுக்கும் உங்க “பிரா”வை
செக் செய்யுங்க. ரொம்ப டைட்டா இருந்தாலோ, தவறான சைஸ்
அணிஞ்சாலோ கழுத்தையும், தோள்பட்டையும் இணைக்கும் இடத்தில்
தேவையில்லாத அழுத்தத்தை கொடுத்து அதனால இந்த வலி
இருக்க சாத்தியம் அதிகமாம். புருவத்துக்கிட்ட வலி, உச்சிமண்டையில்
வலின்னு கூட இருக்கும்.

அதிக டைட்டா இருந்தாலும் கஷ்டம், அதிக லூசா இருந்தாலும்
கஷ்டம். மார்பகங்கள் தளர்ந்திடும். அதனால ப்ர்ஃபெக்ட் ப்ரா
சைஸை தேர்ந்தெடுப்பதுதான் புத்திசாலித்தனம்.
************************************************************

எப்படியாவது 1000 பதிவுகள் போட்டிடணும்னு இருந்தேன்.
ஆனா இதுவரைக்கும் முடியலை. காரணம் லோ பீபி +
வயிற்றுவலி. ஏப்ரல் மாதமெல்லாம் கடுமையான வயித்துவலி.
எண்டோஸ்கோபி, கொலோனோஸ்கோபி எல்லாம் செஞ்சு
பாத்ததுல அல்சர் ஆரம்ப நிலை. மருந்து எடுத்துகிட்டு
கொஞ்சம் சரியா ஆனிச்ச்சு. சரியா சாப்பிடக்கூட முடியாம,
டீ,காபி, கோதுமை ஐட்டங்கள் எல்லாம் தியாகம் செஞ்சு
இருந்தேன். போன வாரம் திரும்ப வலி. இந்த வாட்டி
எங்க வீட்டு டாக்டருக்கு போன் செஞ்சேன். (எங்க அம்மம்மா
தான் அது :))

அம்மம்மா எப்பவும் கைவைத்தியம் சொல்வாங்க. அது
நல்லா கேக்கும். இப்ப அம்மம்மா சொன்ன மருந்து எல்லோருக்கும்
உதவும்னு இங்கே தர்றேன். அசிடிட்டி, வாயுத்தொல்லை,
அல்சர் இருக்கறவங்க இந்த மருந்தை தொடர்ச்சியா எடுத்துக்கலாம்.

1 கப் சீரக, 1/4 கப் வெந்தயம், கல் உப்பு கொஞ்சம்.
இவைகளைத் தனித்தனியா வறுத்து மிக்சியில் பொடிச்சு
வெச்சு காலையில் வெறும் வயித்தில் ஒரு ஸ்பூன்
தண்ணீரில் கரைச்சு தினமும் சாப்பிட்டு வர வயிற்றுப்புண்
ஆறும். சோறு சாப்பிடும்போது இதே பொடியை போட்டு
முதல் உருண்டை சாப்பிட்டு மத்த சாப்பாடு சாப்பிடலாம்.

இப்பதான் பசிச்சு சாப்பிட ஆரம்பிச்சிருக்கேன். :))
*******************************************************************

அடுத்ததும் மருந்துதான் இதைச் சொன்னது எங்க வீட்டு
ஆயுர்வேதிக் டாக்டருக்கு படிச்சுக்கிட்டு இருக்கற மாமா பொண்ணு.
ராத்திரிகளில் சரியா தூக்கம் வராம கஷ்டப்படுறவங்க
1 டம்ப்ளர் இளம் சூடான எருமைப்பாலில், ஒரு சிட்டிகை
ஜாதிக்காய் பொடி சேர்த்து சர்க்கரை கலந்து குடிச்சு படுத்தா
கொர்ர்ர்ர்ர்ர்ர்ர்ர்ர்ர்தான். :))

நம்புங்க இட்ஸ் வொர்க்கிங். நல்லா தூங்கினேன். :))

**********************************************************

ஹைதை ஆவக்காய பிரியாணி 30/3/12

ஒரு வழியா எக்ஸாம் ஜுரம் ஓய்ந்தது. மகனுக்கு பரிட்சை முடிஞ்சது.
இல்லாம இருந்தா நல்லா இருக்கும்னு நினைச்சிருந்தேன் ஆனா
தவிர்க்க முடியாம விருந்தினர் வருகையும் நடுவில் இருந்தது.
மார்ச் 2 ஆரம்பித்த பரிட்சை 28ஆம் தேதிதான் முடிந்தது.
நடுவில் அம்ருதம்மாவிற்கும் பரிட்சை முடிந்து லீவு விட்டு
அடுத்த வகுப்பு ஆரம்பமும் ஆகிடிச்சு. மேடம் இப்ப 8ஆம் கிளாஸ்.
போன வருஷம் கிளாஸ் டாப்பர். :) இனி தொடர்ச்சியா பதிவுகள்
வரும் என நானும் நினைக்கிறேன்.
*****************************************************************
பிரணாப் தாதா போட்ட பட்ஜட் தாதாகிரி பட்ஜட் மாதிரி தான் இருக்கு.
கர்சீப், டவல் எல்லாம் பட்ஜட்டில் விழுந்தது போக இப்ப பெட்ஷீட்
விழும் நிலை!! பத்தாக்குறைக்கு ரயில்வே பட்ஜட். (பாவம் அவர்
போட்ட ரயில்வே பட்ஜட்டில் அவர்மேலேயே ரயிலேறியது மாதிரி
வேலை பறிபோயிடிச்சு)

பட்ஜட் பத்தி பேசிக்கிட்டு இருந்தோம்ல!!
ஆஹா இப்படி கன்னாபின்னான்னு விலை ஏத்திருக்காங்களேன்னு
நொந்து வெர்மிசலியாகிகிட்டு இருக்கையில இன்னைக்கு பேப்பரில்
செய்தி இந்தியாவிலேயே விலைவாசி குறைவான மெட்ரோக்களில்
ஹைதைக்கு இரண்டாவது இடமாம்!!! சென்னைக்கு 4ஆவது இடம்.
பெங்களூரு தான் காஸ்ட்லி. டெல்லிக்கு விலைவாசி குறைவான
ஊரில் முதல் இடமாம்!!!
*************************************************************

எங்க ஊரில் பால் விலை 34 ரூவா, வெண்டக்காய் கிலோ 38,
பீன்ஸ் 60, தக்காளி கிலோ 16, பெட்ரோல் 77. 14 சதவிகிதம்
சர்வீஸ் டாக்ஸ் இப்படி எல்லாம் இருக்கு. எதை வெச்சு ஹைதையில்
விலைவாசி நல்லா இருக்குன்னு சொன்னாங்கன்னு புரியலை;
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
சிதம்பரம் வாசியான என் தோழி ஒரு எஸ் எம் எஸ் அனுப்பினாங்க.
அதுக்கு முன்னாடி ஒரே புலம்பல்ஸ். கரண்ட் கட்டைப்பத்திதான்.
(ரொம்ப தெகிரியமா ஹுசைனம்மா தமிழக விசிட்டுக்கு கிளம்பியிருக்காங்க,
வந்து பதிவு போடும்போது தெரியும்)

எஸ் எம் எஸ் இதுதான்.

இடம்.திருநெல்வேலி:
முதலாமவர்: ஏங்க நான் ஊருக்கு புதுசு! இருட்டுக்கடையில் அல்வா
வாங்கணும். அந்தக்கடை எங்கங்க இருக்கு.

இரண்டாமவர்: இப்ப இங்க எல்லாக்கடையும் இருட்டுக்கடைதான்!!!!
15 மணி நேரம் கரண்ட் கட்!!!!!!!!!!!!!!!!!!!!!!!!!!

(விலைவாசியில் எப்படியோ இந்த விஷயத்தில் நாங்கள் புண்ணியம்
செய்தவர்கள். இரண்டு மணிநேரம்தான் பவர் கட். :))))
***************************************************************
உயிர்ப்பலிகள் செஞ்சு திரும்ப தெலங்கானா பிரச்சனையை கிளறி
விட்டிருக்காங்க. செத்தவங்க 23 அல்லது 24 வயசுக்குள்ளதான்.
எம் பீ ஏ பட்டதாரி, இஞ்சினியரிங் மாணவர்கள்னு படிக்கும் பொழுது
பாவமா இருக்கு.
******************************************************************
இவரு முன்னாள் பிரதமர்

இவர் இப்போதைய பிரதமர்.

எனக்கு தெரிஞ்சு ரெண்டு பேருக்கும் ரொம்ப வித்தியாசமில்லை.
தற்போதைய முதலவர் அப்பப்பவாவது சிரிக்கிறார். அது மட்டும்தான்!!!!
***************************************************************************
No sharing
அப்படின்னு ஒரு பதிவு ஞாபகம் இருக்கா. 2009ல் பேரண்ட்ஸ் கிளப்பில்
போட்டிருந்தேன். சமீபத்திய குமுதம் சிநேகிதியின் குழந்தை வளர்ப்பு ஷ்பெஷல் இதழில்
அப்பா, அம்மா, நடுவில் குழந்தை கூடாதுன்னு கட்டுரை வந்திருந்தது.

ஒரு ஞாபகப்படுத்தலுக்காக இங்கே பதிவு செய்கிறேன்.
****************************************************************

ஹேப்பி வீக் எண்ட்

ஹைதை ஆவக்காய பிரியாணி- 18.8.10

ரொம்ப மகிழ்ச்சியா இருக்கு. திறமையான ஒரு ஆள்தான்
இந்த வருடத்தின் INDIAN IDOL என்பதுலதான அந்த
சந்தோஷம். ஹைதையைச்சேர்ந்த ஸ்ரீராம்சந்த்ரா
இறுதிக்கட்டப்போட்டிக்கு வெற்றி பெற்றதும்
லோக்கல் சேனல்களிலிருந்து, அறிஞ்சவங்க தெரிஞ்சவங்க,
ஸ்ரீராமை தெரியாதவங்க கூட எஸ் எம் எஸ் அனுப்பி
கேட்டுகிட்டது ஸ்ரீராமுக்கு ஓட்டு போடுங்க என்பதுதான்.

சென்ற முறை கருணா எனும் பெண் தகுதியானவளாக
இருந்தும் ஓட்டுக்கள் வித்தியாசத்தில் தோற்றுப்போனார்.
இந்த முறை அனைவரும் வாக்களித்து ஸ்ரீராம் ஜெயிச்சாச்சு.
ஆந்திராவுக்கு மட்டுமல்ல இது தென்னிந்தியாவுக்கே
பெருமை! இந்த நிகழ்ச்சியில் கலந்து வெற்றி பெற்ற
முதல் தென்னிந்தியர் ஸ்ரீராம் மட்டும்தான்.
இன்னொருக்கா என்னோட வாழ்த்துக்கள்.

**********************************************************
நேற்று சாயந்திரம் 3 மணி வரைக்கும் அக்னி நட்சத்திரம் மாதிரி
வெயில்!!! சாயந்திரம் 4 மணிக்கு மழை ஆரம்பிச்சு பின்னி
எடுத்திருக்கு. பஞ்சாராஹில்ஸ், ஜுப்ளி ஹில்ஸ், பஞ்சகுட்டா,
குக்கட்பள்ளி, பாலநகர் எல்லா ஏரியாவும் வெள்ளக்காடு.
90 நிமிஷ மழைக்கு வெள்ளம். பின்ன சும்மாவா
90 நிமிஷத்துல 8 செ.மி மழை பெஞ்சு சாதனையில்ல
படைக்கப்பட்டிருக்கு.

ஆனா ஒரே ஒரு விஷயம் மட்டும் நெருடுது. மழைபெஞ்சா
அழகா தண்ணி வடிஞ்சு கால்வாய்க்கு போறமாதிரி நம்ம
ஊர்ல சாரி நாட்டுல எப்ப நடக்கும்???!!!!
***************************************************

நேற்று முன் தினம் பள்ளி விட்டு வந்ததும் எப்போதும்
போல அம்ருதம்மா என் கிட்ட வந்து பேசினாங்க.
“எங்க ஸ்கூல்ல ஏவி ரூம்ல் (ஆடியோ வீடியோ ரூம்)
கேர்ல்ஸுக்கு மட்டும் ஒரு ஷோ நடத்தினாங்கம்மா!
பீரியட்ஸ் பத்தி எல்லா டீடெய்ல்ஸும் சொன்னாங்க.
“விஸ்பர்” கம்பெனியிலேர்ந்து வந்திருந்தாங்க,
பீரியட்ஸ் வரும் காரணம்,அந்த நேரத்துல இருக்கும் பயம்,
உடல் உபாதை, மன உளைச்சல்,ஹைஜீனிக்,
சிம்ப்டம்ஸ், பேட் எப்படி வைத்துக்
கொள்வது! எல்லாம் பத்தி சொன்னாங்க. என்றாள்.
மிகவும் விரிவாகவே பிள்ளைகள் பயப்படாத
வகையில் இருந்திருக்காம் நிகழ்ச்சி.
நானும் மகளுக்கு அவ்வப்போது இதைப்ப
பற்றி பேசுவதனால் அவளுக்கு அவர்கள் சொன்னது
மேலும் தெம்பை தந்திருக்கு.

இதை மற்றப் பள்ளிகளும் பின்பற்றலாமே!!!

பெண் பிள்ளைகளிடம் இது பற்றி பேசும் நாம்
ஆண்பிள்ளைகளிடம் இதைப்பற்றி மூச்!! ஏன் இப்படி?
அவர்களுக்கு இயற்கையாக இந்த மாற்றத்தில்
பெண்களுக்குள் ஏற்படும் உபாதைகள் புரிந்தால்
நல்லதுதானே!! என் மகனுக்கு 11 வயதாக இருக்கும்
பொழுது மொத்தமாக இல்லாவிட்டாலும் மாதாந்திர
பீரியட்ஸ், அதனால் ஏற்படும் மூட் ஸ்விங் இது
எனக்கு மட்டுமல்ல உன் வகுப்பு ஆசிரியை, உடன்
படிக்கும் தோழிகளுக்கும் உண்டு. அவர்களின்
பேச்சில் மாற்றம் தெரிந்தால் பொறுமையாக
இரு! என்று புரிய வைத்திருப்பதால் எவ்வளவு
உதவியாய் இருக்கிறது என்பது நான் உணர்ந்திருக்கிறேன்.
நல்லதொரு புரிதலை அவர்களுக்குள் விதைக்க
இது சிறந்த தருணம்.

***********************************************

”தாத்தா எப்ப இங்க வர்றீங்க?”

”என் பொண்ணு பர்த்டேவுக்கு அங்க இருப்பேன்!

”இப்பவே கிளம்பி வாங்க!!”

“நானும் அம்மம்மாவும் இப்பவே வரணும்னா
ஃப்ளைட்லதான் வரணும்! நீயும் உன் தங்கச்சியும்
உங்க பாக்கெட் மணியிலேர்ந்து ஆளுக்கு 5ஆயிரம்
அனுப்பி வெச்சா உடனே அடுத்த ஃப்ளைட் பிடிச்சு
அங்க இருப்போம்!!!

“இல்ல தாத்தா நீங்க கஷ்டப்பட வேண்டாம்.
பொறுமையா அடுத்த மாசமே வாங்க!!!””

இது தாத்தா ரமணிக்கும் பேரன் ஆஷிஷுக்கும்
நடந்த பேச்சு வார்த்தை :))

ஒண்ணும் சொல்லுவதற்கில்லை.
*************************************************

கல்வியமைச்சர் சிபில்," TEACHERS NEED BETTER FACILITIES
TO DO BETTER" அப்படின்னு சொல்லியிருக்காரு. ஒரு டீயும்
அதோட ஒரு போண்டா இல்லாட்டி பன்னைத்தவிர வேறென்ன
FACILITI கிடைக்குது ஆசிரியைகளுக்கு.

சமீபத்துல மனநல மருத்துவ நண்பர் ஒருத்தர்கிட்ட
பேசிகிட்டு இருந்தப்போ,” child psychology படிச்ச
ஆசிரியைகள் இல்லாதது ரொம்ப வருத்தம்னு சொன்னார்”
கபில் சிபில் ஆசிரியைகளுக்குத் தேவையான வசதிகளில்
இதற்கான பயிற்சியை கட்டாயமாகவும் இலவசமாகவும்
செஞ்சார்னா வருங்காலத் தூண்களை ரொம்ப ஸ்ட்ராங்கா
செய்யலாம்!!!! நடக்குமா????!!!!

ஹைதை ஆவக்காய பிரியாணி - 29.7.10

இங்க வானிலை சூப்பரா இருக்கு. சில் சில்லுன்னு காத்து.
அடிச்சு கொளுத்திய வெயிலுக்கு இதமா மழை. அங்கங்கே
மக்காச்சோளம் விக்க ஆரம்பிச்சிருக்காங்க. தணல்ல சுட்ட
மக்காச்சோளம்... அதுமேல அப்படியே எலுமிச்சை உப்புதடவி
சாப்பிட்டா... சும்மா சொகமோ சுகம். :))

மக்காச்சோளம் உடம்புக்கும் நல்லது. அதனால தாரளமா
சாப்பிடலாம். வீதிக்கு நாலு தள்ளுவண்டி அதுமேல
கரி அடுப்பு ஒண்ணுன்னு வெச்சு அழகா மக்காச்சோளம்
அடுக்கி வெச்சு விக்கறாங்க. என் ஃப்ரெண்ட் ஒருத்தங்க
மக்காச்சோளத்துல புலாவ் செய்யறாங்க. ரெசிப்பி கேட்டு
போடுறேன்.

******************************************************

ஆந்திராவுக்கு இல்ல இல்ல திருப்பதிக்கு ஏதோ ஆகிடிச்சு
போல. சமீபகாலமா செய்திகளில் அடிபடுவது திருப்பதிதான்.
லேட்டஸ்ட் தகவல் சிறுத்தை ஒண்ணு படிவழியா
மலை ஏறிக்கிட்டு இருந்த குழந்தை ஒண்ணை அடிச்சு
தூக்கப்பாத்திருக்கு, அவங்கப்பா எப்படியோ காப்பாத்தியிருக்காரு.
இனி படி ஏறிப்போறவங்க ஜாக்கிரதையா இருக்கணும்.

”காட்டுவழி போறப்பொண்ணே கவலைப்படாதே, மம்பட்டியான்
பேருசொன்னா புலி ஒதுங்கும் பாரு!!” பாட்டு பாடச்சொல்லலாமா?

********************************************************

தற்கொலைகள அதிகமாகிட்டு வருது. அதுலயும் இளம்பருவத்தினர்
தான் ஜாஸ்தி!! கல்லூரிப் பெண்கள்/ஆண்கள் இப்படி நிறைய்ய.
திருப்பதி காலேஜுல எம் சீ ஏ படிச்சிட்டிருந்த பொண்ணு
செத்தா எப்படி இருக்கும்னு பாக்க தற்கொலை செஞ்சிருக்காளாம்!!
என்னத்த சொல்ல??? பிள்ளைங்களுக்கும் பெத்தவங்களுக்கும்
இடையே விழும் இடைவெளிதான் இதுக்கெல்லாம் காரணம்.
ஆரோக்கியமான மனசை விதைக்க மறந்திட்டாங்க.

எங்க வீட்டுக்கு பக்கத்துல இருக்கற ப்யூட்டி பார்லரில் ஒரு
பொண்ணு வேலை பாத்துக்கிட்டு இருந்துச்சு. 2 வருஷமா
நல்ல பழக்கம். ரொம்ப ஃப்ரெண்ட்லியா இருக்கும். நல்லா
கல கலன்னு பேசும். சில நாளா அந்தப் பொண்ணக் காணோம்.
உடம்பு சரியில்லை போலன்னு நினைச்சேன். விசாரிச்சதுல
தற்கொலை செஞ்சுகிட்டு செத்து போயிட்டாளாம்!!! மனசுக்கு
வருத்தமா இருக்கு. காதல் தோல்வியாம். 20 வருஷம்
வளர்த்த அப்பா அம்மாவை நினைச்சு ரொம்பவே வருத்தப்பட்டேன்.
அந்தப் பொண்ணோட பேரு மம்தா. அவளோட ஆத்மா
சாந்தி அடைய என் பிரார்த்தனைகள்.
*******************************************************

என்னோட ஃவேரீட் டைரக்டர் கே.விஸ்வநாத் ரொம்ப
நாளைக்கப்புறம் படம் டைரக்ட் செஞ்சிருக்காரு. எப்பவும்
”சுப” அப்படின்னு ஆரம்பிக்கற டைட்டில் வெப்பாரு.
இந்தத் தடவை “சுபப்ரதம்”. ம்யூசிகல் டிலைட்டா
வந்திருக்கும். அல்லரி நரேஷுக்கு இந்தப் படத்துலேர்ந்து
நல்ல பேரு கிடைக்கும்னு சொல்லியிருக்காங்க. படம்
பாக்கணும்.

பாக்க வேண்டிய லிஸ்ட்ல இன்னொரு படமும் இருக்கு,
அது காமெடியன் சுனிலை வெச்சு சூப்பர் டைரக்டர்
ராஜமொளலி எடுத்திருக்கு”மரியாதை ராமண்ணா”.
இரண்டு படமும் பாத்துட்டு விமர்சனம் எழுதறேன்.

************************************************
அந்தேரி தாத்தா மறைந்து இன்றோடு 8 நாள் ஆச்சு.
2 வாரத்துக்கு முந்தி தாத்தாகிட்ட பேசும்போது
“நான் தான் ஹைதைக்கு வரமுடியாதுன்னு” சொன்னாரு.
“அதுக்கென்ன தாத்தா பசங்களை கூட்டிகிட்டு
பாம்பேக்கு நானே வரேன்னு!” சொல்லியிருந்தேன்.
எங்க அம்மம்மா வீட்டுலதான் உடம்பு முடியாம
இருந்தாரு. அம்மம்மாகிட்ட.”கலா குழந்தைகளைக்
கூட்டிகிட்டு வர்றேன்னு சொல்ல்யிருக்கா!” அப்படின்னு
சொல்லிக்கிட்டே இருந்தாராம். ஆனா அதுக்குள்ள
எல்லாம் முடிஞ்சிருச்சு. இவ்வளவு சீக்கிரம் ஆகும்னு
நினைச்சு கூட பாக்கலை. மனசை வருத்தும் விஷயம்]
இது.


அந்தேரி தாத்தா, என் மாமாக்கள், தம்பி, ஆஷிஷ்
என நாலு தலைமுறை ஆட்களை வைத்து படம்
எடுக்கவேண்டும் என்ற எண்ணம் நிறைவேறாம
போயிடிச்சு.

தாத்தாவின் உடல் ஒரு தேஜஸோடு இருந்ததாகவும்
கட்டியிருந்த கைகளை விடுவித்து பார்த்த பொழுது
தவம் செய்வது போலவும் இருந்ததாம். மாமா
சொல்லியிருந்தார். தாத்தாவுக்கு பக்தி அதிகம்.
அவரோட ஆசிர்வாதம் எப்போதும் இருந்தா போதும்.
**************************************************