ஜகன் மாதா மனம் இறங்கி வரமருள்........

நாளை வரலட்சுமி பூஜை. ஆந்திராவில் வரமஹாலட்சுமி பூஜை என்றும் சொல்கிறார்கள். இங்கே பிராம்மணர்கள் மட்டுமல்லாமல் பொதுவாக அனைவரும் வரலட்சுமி பூஜை செய்கிறார்கள். வரலட்சுமி பூஜைக்கு தங்கம் வாங்குவது இங்குள்ளவர்களின் பழக்கம்.

 புதுபுடவை அணிந்து கொள்வதோடு மட்டுமல்லாமல் “வஸ்த்ரம் சமர்ப்பயாமி” என்று சொல்லி பூஜை செய்யும் பொழுது புது புடவை வைத்து பூஜை செய்து அதை பின்னர் அணிந்து கொள்கிறார்கள். இங்கே புளியோதரை, வடை, பாயசம் கட்டாயமான நைவேத்தியம். தமிழகத்தில் ஒரு சிலர் கொழுக்கட்டை வகைகள் செய்தும் நைவேத்தியம் செய்வார்கள். சிலர் அன்னம் தவிர்த்து விரதம் இருப்பார்கள்.

9 பத்மம் வைத்து பூஜை செய்து, தோரத்தில் ஒன்பது முடி போட்டு வைத்து பூஜை செய்து அணிந்து கொள்வார்கள். Gummam அதாவது வாசற்படிக்கும் பூஜை செய்வது ஆந்திரா பத்ததி.  வாசற்படியை நன்கு துடைத்து , மஞ்சள் பூசி, குங்குமம் வைத்து மலரால் அலங்காரம் செய்து தான் எந்த பூஜையும்.


கருடபஞ்சமி, நாகசதுர்த்தி பூஜை அன்று மெயின் வாசற்படிக்கு பூஜை செய்யாமல் தாண்டி போகக்கூடாது என்று பெரியவர்கள் சொல்வார்கள்.


 என் அம்மா பாடும் இந்த பாட்டு எனக்கு மிகவும் பிடிக்கும். அதிலும்
“பாற்கடல் தரும் கிருபாகரி பரிந்து வந்தென்னை ஆதரி”..... என்ன அற்புதமான வரிகள். பாபநாசம் சிவன் அவர்கள் எழுதிய இந்த பாட்டு ரொம்ப பிடிக்கும்.








அன்னையவள் அனைவரையும் ஆதரித்து அருள்புரிய வேண்டுகிறேன்.