அசத்திபுட்டோம்ல ஆஷிஷை!!! :))

என் தோழியை ரொம்ப மிஸ் செஞ்சுகிட்டு இருந்தேன். நேற்று என்னோட
உறவு கொண்டாட என் தோழி வந்திட்டா. அழைச்சுகிட்டு வந்தது
என் பிள்ளைகள். :)) இதோ என் தோழி உங்கள் முன்னாலே!!

(மொபைலில் இருக்குன்னாலும் இந்த மாதிரி பேட்டரி ஆப்பரேட்டட்
ரேடியோ தான் பெஸ்ட். இனி நானும் என் தோழியும் இணைபிரியாமல்
இருக்கலாம். எந்த பவர் கட்டும் எங்களை பிரிக்க முடியாது பாருங்க. :))

பசங்களுக்கு ட்ரீட் கொடுக்க சர்ப்பரைஸா டின்னருக்கு அழைச்சுகிட்டு
போனேன். இந்த ரெஸ்டாரண்டுக்கு எங்க முதல் விசிட் இதுதான்.
போன இடம் எங்கன்னு அப்புறமா சொல்றேன். முதலில் போட்டோ
:))

வெல்கம் ட்ரிங் சாப்பிடறது ஆஷிஷ். சால்ஜீரா ரொம்ப சுவையா
அதிகம் காரமில்லாம இருந்தது.

நாம டேபிளில் உக்காந்த உடனேயே வெல்கம் ட்ரிங்க் கொடுத்த
நிமிஷத்துல பரபரன்னு சர்வ் செய்ய ஆரம்பிக்கறாங்க.

தட்டுல பரிமாறுவது என்னன்னு சொல்லிக்கிட்டே பரிமாறுவது சூப்பர்.
சாபுதானா வடா, பாக்கர் வாடி, பனீர் பசந்தா, தால்பாட்டி, சூர்மா,
நெய், கட்டேகி சப்ஜி, ஸ்வீட் தால், கார தால், கடி இப்படி ராஜஸ்தானி +
குஜராத்தி உணவுகளில் சங்கமம். மிசல்னு மராட்டி ஐட்டம் ஒண்ணு
இருக்கும். அது கூட காரமில்லாம அருமையா இருந்தது இங்கே.
72 வகை மெனுக்கள் மொத்தமா இருக்கு. அதில் தினத்துக்கு
சில வகைன்னு ரொட்டேடிங்கா சர்வ் செய்யறாங்க.

அன்லிமிட்டட் மசாலா சாஸ். யம்மி!!!

ரொட்டிலயும் நாலு வெரைட்டி, புல்கா, பாலக் ரோட்டி, பூரி அப்புறம்
இன்னொரு ராஜஸ்தான் அயிட்டம், பேருதான் ஞாபகத்துக்கு வரலை.

தாலி மீல்ஸ் என்பதால அன்லிமிட்டட். நான் போட்டோ எடுத்துக்கிட்டே
இருக்க சூடு ஆறிடபோகுது மேடம்! சாப்பிடுங்கன்னு அன்புத் தொல்லை. :)
உணவு ரொம்ப ருசியா இருந்துச்சு. தால்பாட்டி இதுக்கு முன்ன சாப்பிட்டிருக்கேன்.
ஆனா இம்புட்டு சுவையா இல்லை. உணவுகளை ருசித்த பிள்ளைகளுக்கு
ரொம்ப பிடிச்சிருந்தது. எங்கம்மா பிடிச்ச இந்த ஹோட்டலைன்னு ஆஷிஷுக்கு
ஆச்சரியம். எப்பவும் வெரைட்டியா ஹோட்டலை ஆஷிஷ் மட்டும்தான்
கண்டுபிடிக்க முடியுமா என்ன?? :)) அயித்தானுக்கும் ரொம்ப பிடிச்சிருந்தது.

வகைவகையா வெச்சிருக்கும் சப்ஜிகளை அதிகம் சாப்பிடவிடாம பெரிய
சைஸ் ரொட்டிகளை போடாம சின்னதா போட்ட ஐடியா சூப்பர்.

அப்புறம் இந்த ஹோட்டலில் கிச்சனை நீங்க போய் பார்க்கலாம்?
பசங்க நான் போய் பாத்தோம். செம கீளீனா இருந்துச்சு.

அதோட போட்டோ பாருங்க.

போட்டோக்கள் பார்த்தாச்சா!!! எங்க போனோம்னு சொல்றேன்

ஜூப்ளி ஹில்ஸ் பகுதியில் இருக்கும் KHANDANI RAJDHANI
ரெஸ்டாரண்ட் தான் அது. ஒரு ப்ளேட் 300த்தி சொச்சம்.
இங்கே போனீங்கன்னா அதன் தளத்தை பார்க்கலாம்.

ஹைதையில் இருக்கு சாப்பிட போனீங்கன்னு வருத்தப்பட வேண்டாம்.
சென்னை, பெங்களூர்ல மட்டும் 5 இடத்துல இருக்கு , அலாக்ஹாபாத், டெல்லி,
மும்பை, நாசிக், ஷீர்ட், பரோடோ போன்ற இடங்களிலும் இருக்கு.
அட்ரஸ் எல்லாம் அந்த தளத்துல போய் பார்க்கலாம்.

உணவின் தரம் ரொம்ப அருமையா இருந்தது. முகம் சுளிக்காம
பரிமாறுவது சுகம்.