அப்படிப்போடு!!

ஏதோ பழமொழி சொல்வார்களே அப்படி இருக்கிறது.

வலையுலகில் சிலர் தாம் பத்திரிக்கைகளில் படித்ததை பகிர்ந்து கொள்வர்.

இப்போது பத்திரிகையில் பிளாக்கில் படித்ததைப் பிரசூரிக்க ஆரம்பித்துள்ளனர்.

விகடனில் ஒவ்வொருவாரமும் ஏதாவது ஒரு வலைபதிவர் குறித்து வரும்.
(அப்படித்தான் வலையுலகம் பற்றி நான் ஆறிந்து கொண்டேன்.)

12.12.07 தேதியிட்ட குமுதத்தில் , பிளாக் மெயில் என்று 6 பக்கத்திற்கு (92-97)
வலைப்பதிவிலிருந்து 3 இடுகைகளை எடுத்து எழுதியிருக்கின்றனர்.

விதர்பா அவலம், பெரியாரின் நேரடி ஜெயில் விசிட், ஜாலியன் வாலாபாக்கின் "அந்த நாள்" இது தான் அந்த 3 இடுகைகள். எழுதியது யாரோ நான் அறியேன்.

ஆனால் பிளாக் குறித்து அவர்கள் கொடுத்திருக்கும் முன்னுரையில் ஒரு வரி மாத்திரம் மனதிற்கு நெருடலாக இருக்கிறது.

(பத்திரிகைக்கு எழுதினால் பிரசுரம் ஆகாது, பதில் வராது என்று நினைப்பவர்களுக்கெல்லாம் ஆளாளுக்கு ஒரு ப்ளாக்கை உருவாக்கிக்கொண்டு அதில் தமது எண்ணங்களை, பார்வையை எழுதிக் குவிக்கின்றனர்) என்பது தான் அது.

நீங்களே சொல்லுங்கள்.