M .Sc Husbandology (முதுகலை இல்லறத்தியல்) பாடம்:4

தலைவலியும் திருகுவலியும் தனக்குவந்தாலும்
புரிய மாட்டேங்குதே!

இதுதாங்க இந்த வாரப் பாடத்தின் தலைப்பு.

இந்தக் காட்சியை பாருங்க.

தொங்கிப்போன முகத்துடன் மிஸ்டர்.ரங்கு
வீட்டுக்கு வர்றாரு.

"என்னங்க! ஒரு மாதிரி இருக்கீங்க?”
என்னாச்சு! தலைவலிக்குதா!

“சும்மா ஙொய் ஙொய்ன்னான்னாத!”
(கேக்கறது ஒரு குத்தமாய்யா!!)

தலைவலிக்குதா! அமிர்தாஞ்சன்
தடவட்டுமா? சூடா காபி குடிக்கறீங்களானு
கேட்டேங்க.

” ஒரு ..... வேணாம்.
நானே நொந்து நூலாப் போயிருக்கேன்!”

அறைக்குள் போய் படுத்துவிடுகிறார்
ரங்க்ஸ்.

30 நிமிடம் கழித்து,” ஏய் ரமா!
சூடா ஒரு கப் காபிக் கொடு”

போட்டு கொண்டு வந்த தங்கஸ்
ரங்குவின் முகத்தைப் பாத்து,
“ஏதும் ப்ரச்சனையாங்க!”

“அவன் ஆபிசுல பிடுங்கறான்னா?
நீ வேற ஏன் பிடுங்கற?”

பேசாமல் இருந்த தங்க்ஸைப் பாத்து
புலம்ப ஆரம்பிக்கிறார் ரங்கு,
” எம்புட்டு செஞ்சாலும் திருப்தியே இல்லை
அந்த ஆபிஸருக்கு. என்னிய விட
2 வயசுதான் கூட இருக்கும். அதிகாரியா
உக்காந்திருக்கோம்னு ரொம்ப
திமிரு. எவ்வளவு கஷ்டப்பட்டு
வேலைப் பாத்தாலும் அதுல
குத்தம் மட்டுமே கண்டு பிடிக்கறதே
பொழைப்பு. தப்பித்தவறி
பாராட்டு மட்டும் மனுஷ்ன் கிட்டேயிருந்து
வாங்கவே முடியாது!!!

செஞ்ச வேலைக்கு ஒரு அங்கீகாரம்
இல்லாம வேலைப்பாக்கறது ரொம்ப
கஷ்டம். என்ன கொடுமைடா
இந்த வாழ்க்கைன்னு நான் இருக்கேன்,
நீ வேற என்னாச்சு, ஏதாச்சுன்னு
கேக்கற,” என்று எரிந்து விழுகிறார்.

இதுல எங்கங்க ஹஸ்பண்டாலஜி பாடம்
வந்துச்சுன்னு கேக்குற அப்பாவிகளுக்கு பாடமே
இனிமேதாங்க ஆரம்பம்!!!

பாடத்தோட தலைப்பை மறுபடி ஒருமுறை
ஞாபகப் படுத்திக்கோங்க.

தலைவலியும் திருகுவலியும் தனக்குவந்தாலும்
புரிய மாட்டேங்குதே!


தான் செய்யுற வேலைக்கு ஒரு பாராட்டு,
அங்கீகாரம் இது இருந்தாத்தான் ஊக்கமா
வேலை செய்யமுடியும் என்பது ரங்கமணிக்கு
தெரிஞ்சிருந்தாலும் வீட்டுல தங்கமணி
செய்யற வேலைக்கு ஒரு நாளாவது
பாராட்டிருப்பாரா?

எம்புட்டு நல்லா போட்டாலும் காபி
நல்லா இல்லை, சட்னி சரியில்லை
சாம்பார் எங்கம்மா செய்யற மாதிரி
இல்லை, எங்கக்கா மாதிரி காரக்குழம்பு
வெக்கமாட்டீங்கற, என் தங்கச்சி
மாதிரி உடுத்த மாட்டேங்கற.. இப்படி எத்தனை டார்ச்சர்
கொடுக்கறாங்க!!!!

இந்த ரங்கமணிகளுக்கு,தங்கமணியும்
தன்னைப் போல ஒரு மனுஷிதான்.
அவங்களுக்கு சின்னதா ஒரு பாராட்டு,
அட்லீஸ்ட் செஞ்சதுல குத்தம் கண்டுபிடிச்சு
சொல்லாம இருந்தாலே நல்லா இருக்கும்னெல்லாம்
தோணவே தோணாதுங்க.


ஆபிசுல நம்மளைப் பாராட்டணும்னு நாம
எதிர் பார்க்கற மாதிரி நம்ம தங்கமணியும்
நம்மகிட்டேயிருந்து பார்ப்பாங்கற நினைப்பெல்லாம்
கிடையவே கிடையாது.

கேட்டா வீட்டுவேலை செய்யறதுல என்ன
பாராட்டு. அவங்க வேலையை அவங்க
செஞ்சாங்க அம்புட்டுதானேன்னு
கேப்பாங்க ரங்கமணிங்க.
ஆனா அவங்கள மட்டும் ஆபிஸுல
பாராட்டனும், பதக்கம் கொடுக்கணும்,
குத்தம் கண்டுபி்டிக்கக்கூடாதுன்னு
நினைப்பாங்க. எந்த ஊரு
நியாயம்னுதான் தெரியலை!!!


நீங்க இதுக்கெல்லாம் கவலைப் படாதீங்க
தங்கமணிகளே!!!

வீட்டுல தங்கமணிகளுக்கு கொடுக்கற
டார்ச்சருக்குத்தான் ஆபிஸுல
அதிகாரிகள் அவங்களுக்கு டார்ச்சரோ
டார்ச்சர் கொடுக்கறாங்க.
முற்பகல் செய்யின் பிற்பகல் விளையுமுங்க,
மனசை தேத்திக்கிட்டு இருங்க.

அடுத்த வாரம் சந்திக்கிறேன்.