பாவ் பாஜி பராத்தா.....

ஒரு நாளைக்கு ஒரு பதிவு மட்டும் போட்டா
ஜாமல் தம்பி கோச்சுக்குவாரு!! :))) இன்னைய
கணக்குக்கு இரண்டவாதா இந்த பதிவு.

இப்ப இருக்கற விலைவாசி பிரச்சனை,
ரெஷஷ்ன் பிரச்சனையில் எதையும்
வேஸ்டாக்க கூடாது. எம்புட்டு
முடியுமோ அம்புட்டு சிக்கனமா
இருக்கறது நல்லது. என்ன சொல்றீங்க?!!



கொஞ்சமே கொஞ்சமா வெரைட்டி
காய்கறி இருந்துச்சுன்னா போதும் இந்த
ரெசிப்பியை செஞ்சிடலாம்.

பாவ்பாஜி பராத்தாவுக்குத் தேவையான
பொருட்கள்:
பெரிய வெங்காயம் அரிந்தது : 1
வேகவைத்து மசித்த உருளைக்கிழங்கு:1
முட்டை கோஸ் பொடியாக
அரிந்தது - 1/2கப்
குடை மிளகாய்(அவசியம்
சேர்க்கவேண்டும். அப்பொழுதுதான்
பாஜி வாசனை வரும்) விதை நீக்கி
பொடியாக அரிந்தது - `1
இஞ்சி,பூண்டு விழுது 1 ஸ்பூன்,
பாவ் பாஜி மசாலா - 1/2 ஸ்பூன்,
உப்பு- தேவைக்கேற்ப
தனியாத்தூள் :1 ஸ்பூன்,

கோதுமை மாவு 2 கப்.
எண்ணெய்/நெய் 4 ஸ்பூன்.

செய்முறை:
மேற்சொன்ன எல்லாவற்றையும் ஒரு
பாத்திரத்தில் போட்டு சப்பாத்தி மாவு
பதத்திற்கு பிசைந்துகொள்ளவும். தண்ணீர்
சேர்க்க வேண்டாம். எண்ணெய் சேர்த்து
பிசைந்துகொள்ளவும்.

அந்த மாவில் சப்பாத்தி செய்து
தாவாவை மெல்லிய தணலில்
வைத்து அதில் சப்பாத்தியை போட்டு
இருபுறமும் நெய்/எண்ணெய் விட்டு
நன்கு சிவக்க சுட்டு எடுத்தால்
பாவ் பாஜி சப்பாத்தி ரெடி.

பிள்ளைகளுக்கு பள்ளிக்கும் கொடுத்தனுப்பலாம்.





செய்வதும் எளிது. சுவையும் சூப்பர்.
தொட்டுக்கொ்ள்ள தக்காளி சாஸ்.