மிஷின் படும் பாடு!!!! :)))

பசங்களுக்கு புக் வாங்க கடைக்கு போயி்ருந்தேன்.
செல்போன் சிணுங்கிச்சு. அயித்தான் தான்.

“எங்கப்பா இருக்க?” :)) (அடிக்கடி அது வாங்க,
இதுவாங்கன்னு கிளம்பிடுவோம்ல)

”ஹிமாலயா புக் ஷாப்லதான் இருக்கேன்.
பசங்களுக்கு புக்ஸ் வாங்க வந்தேன்பா”

”ஹிமாலயாவா சரி. போனதடவை அங்க
ஒரு வெயிட் மிஷின் பாத்தேன். வரும்போது
அதையும் வாங்கிகிட்டு வந்திடு!!!”

ரொம்ப நாளா வெயிங் ஸ்கேல் வாங்கணும்னு
ப்ளான். சரி வாங்கிகிட்டு போனேன்.





அப்ப பிடிச்சு அந்த மிஷினுக்கு பிடிச்சது
ஏழரை, தலைவலி எல்லாம். :)))

ஞாயிற்றுக்கிழமை ”வெயிட் செக்கிங் டே”வாக
அறிவிக்கப்பட்டது. அம்ருதா ஒரு நோட் புக்,
பேனா எடுத்துக்கொண்டு “எல்லோரும் வெயிட்
செக் பண்ண வாங்கன்னு” அறிவிப்பு கொடுத்ததும்
எல்லோரும் வெயிங் மிஷின் இருக்கற ரூம்ல ஆஜர்.

ஸ்டிரிக் டீச்சர் போல அம்ருதா, ”குனியாதீங்க, நேரா
பாருங்க, உங்க வெயிட்டை நான் பாத்து நோட்
செஞ்சுக்கறேன்னு” சொல்லிகிட்டே இருப்பா.

இந்த ரெக்கார்ட் மெயிண்டன் செய்வதால் நாம்
எடை அதிகரித்திருக்கிறோமா இல்லை குறைஞ்சிருக்கோமா!!!
அப்படின்னு தெரிஞ்சுக்கத்தான்னாலும் அடுத்தவங்க
முன்னாடி நம்ம வெயிட் தெரிஞ்சிடுமே(!!!)ன்னு
”என்னோட ட்ரெஸ் இப்ப வேற போட்டிருக்கேன்!!”
அதனாலதான் வெயிட் கூட காட்டுது” போன்ற
டயலாக்குகள் கேட்கும்.


ஞாயிற்றுக்கிழமை எடை பார்க்கும்பொழுது அதே
எடை இருக்கவேண்டும் என்பதால் அடிக்கடி
மிஷின் மேல் ஏறி வெயிட் செக்க ஆரம்பமானது.

சாப்பிட்டபின், சாப்பிடும் முன், வாக்கிங்கிற்குமுன்
வாக்கிங்கிற்கு பின் என ஒரே செக்கிங்தான்.

இப்படி அடிக்கடி ஏற ஆரம்பித்ததில் வெயிட்மிஷின்
பாவம் இளைத்திருக்கும். :))) வாயிருந்தால்
“என்னை விடுங்க!!” ப்ளீஸ்”னு வாய் விட்டு
கதறியிருக்கும்.


எடை பத்தி நினைக்கும்பொழுது இந்தப் பாடல்
எப்போதும் எனக்கு நினைவில் வரும்.
டூயட் படத்தில் பிரபுவை ””வர்ணித்து””
பாடல்.



Get Your Own Hindi Songs Player at Music Plugin