ஹைதை ஆவக்காய பிரியாணி 2/2/10

கொஞ்சம் குளிர் விட ஆரம்பிச்சிருக்கு. அட குளிர் குறைய்ய
ஆரம்பிச்சிருக்குன்னு சொன்னேங்க. :)) சிவராத்திரிக்கு இன்னமும்
10 நாள் தானே இருக்கு அதான். போன வருஷத்தை விட இந்த
வருஷம் குளிர் சீக்கிரமே வந்தாப்ல வெயிலும் வந்திடும். :(

*********************************************************


ஹைதையின் ஷ்பெஷல் திராட்சைகள் வர ஆரம்பிச்சாச்சு.
கிலோ 54 ரூபாயா இருந்தது இப்போ 34க்கு கூட கிடைக்குது.
இன்னும் கொஞ்ச நாளில் கிலோ 20க்கும் கிடைக்கும். சரியான
திராட்சை சீசன். தர்பூசூம் வர ஆரம்பிச்சிருச்சு. ஏப்ரல், மே
மாசத்துல பெரிய்ய சைஸ் பழம் 10 ரூபாய்க்கு கிடைக்கும்.


ஆனந்தமா திராட்சை சாப்பிட்டு மாம்பழத்துக்காக மீ த வெயிட்டிங்.
(வயிற்றெரிச்சலை கிளப்பிவிட்டதுல சந்தோஷம்)

*********************************************

தெலங்கானா பந்த், கலவரங்களின் போது பஸ், கார்னு
அடிச்சு நொறுக்கிகிட்டு இருந்தாங்க. இந்த நஷ்டங்களை எப்படி
ஈடு கட்டுவாங்கன்னு வருத்தப்பட்டுகிட்டு இருந்தேன்.
ஆந்திர பிரதேஷ் ஹைகோர்ட் அரசியல் கட்சிகளிடமிருந்து
நஷ்டங்களை வசூலிக்கச் சொல்லி உத்தரவு போட்டிருக்கு.

அரெஸ்ட் ஆகியிருந்த ஒரு மாணவனுக்கு பெயில் கேட்டப்போ
நீதிபதி ,”பெயில் வேணும்னா, நஷ்ட ஈடா ஒரு லட்சம் பணம்
கட்டுன்னு” சொன்னது ஹைலைட். அடுத்த முறை அடிச்சு
நொறுக்குமுன் யோசிங்க மக்கா!!

******************************************

இன்னொரு சந்தோஷ சமாசரமும் ஹை கோர்டால.
க்ரைம் ஷ்பெஷல், நடந்தது என்ன? குற்றம் எங்கே?ன்னு
பரபரப்பு கிளப்பிகிட்டு தெலுங்கு சேனல்கள் ஷோ நடத்துவது,
நிகழ்ச்சி தயாரிப்பது எல்லாம் இனி தடை போட பட்டிருக்கு.
மக்களை பயமுறுத்தும் இத்தகைய நிகழ்ச்சிகளை உடனடியா
நிறுத்தச் சொல்லி ஆர்டர் போட்டுடாங்கல்ல. :))

**************************************************

NDTV GOOD TIMES சேனல்ல வர்ற மாதிரி சாப்பாடு,
ட்ரெஸ் இப்படி பல விதமா நிகழ்ச்சிகளை ஜெயா பளஸ்
நிகழ்ச்சியில பாக்கலாம். NDTV GOOD TIMES நிகழ்ச்சிகளை
பார்ப்பதால அந்த குவாலிட்டி இல்லையோன்னு எனக்குத்
தோணினாலும், ஜெயா ப்ளஸின் இந்த முயற்சிக்கு என்
மனமார்ந்த பாராட்டுக்கள். நிகழ்ச்சி இன்னும் கொஞ்சம்
விரிவா இருந்தா நல்லா இருக்கும்.

*************************************************

சின்ன வயசுல படிச்ச புத்தகம் அது. அப்பா ரொம்ப பத்திரமா
வெச்சிருந்த அந்த புத்தகம் எத்தனை முறை படிச்சிருப்பேன்னு
எனக்கு நினைவே இல்லை. அவ்வளவு சுவாரசியம், நகைச்சுவை
ததும்ப இருக்கும் கதை. சாவி அவர்கள் எழுதிய
வாஷிங்க்டனில் திருமணம் தான் அது. செம சூப்பரா இருக்கும்.
அந்த கதை படிக்கணும் போல இருக்குன்னு அப்பா கிட்ட
4 வருஷமா சொல்லி புக் கிடைச்சா வாங்கி கொடுக்க
சொல்லியிருந்தேன். கிடைக்கலை. :((




ஆனா நேற்று அநன்யா டவுன்லோடிக்க சொல்லி இந்த
லிங்கை கொடுத்து புண்ணியம் கட்டிகிட்டாங்க.

என் நீண்ட நாள் ஆசையை நிறைவேத்தினதுக்கு நன்றி அநன்யா.

நீங்களும்விரும்பினால் தரைவிறக்கம் செஞ்சு படிக்க
இதோ லிங்க்."வாஷிங்க்டனில் திருமணம்

**********************************************