Friday, June 26, 2015

பணமும் பத்தா இருக்கணும்..... பொண்ணும் முத்தா இருக்கணூம்.

10 வந்ததிலேர்ந்து அம்ருதம்மாவிற்கு சனிக்கிழமை கூட ஸ்கூல் வெச்சிடறாங்க. ஹைதையில் ஒரு ட்யூஷன் செண்டர் போய்க்கிட்டு இருந்தாங்க.வாரத்துக்கு 5 நாள் தான் கிளாஸ். சனிக்கிழமை டெஸ்ட் & டவுட் கிளியர் பண்ணிக்கலாம்னு சொன்னாங்க. ஆனா வர வர மாமியார் கழுதை போல ஆனாப்ல ஞாயிற்றுக்கிழமையும் கிளாஸ் வைக்க ஆரம்பிச்சாங்க.
எனக்கு இந்த சனி, ஞாயிறுல ஸ்கூல், கிளாஸ் வைக்கறவங்களை கண்டா கடுப்பா இருக்கும். பிள்ளைகளுக்கு படிப்பு முக்கியம் அத்தோட ரிலாக்ஸ் செய்வதும் முக்கியம்னு ஏன் தான் புரிய மாட்டேங்குதோ!!. அதனால் இங்கே
சென்னை வந்ததும் அம்மா எனக்கு சனி. ஞாயிறுல்லாம் கிளாஸ் வேண்டாம். அவ்ளோ ஸ்ட்ரெஸ் பட முடியாதுன்னு கிளியர் கட்டா சொல்லிட்டாங்க. சனிக்கிழமை அரை நாள் ஸ்கூல் இருக்கு அதை ஒண்ணும் செய்ய முடியாது.

+1 & +2 ரெண்டு வருஷமும் பசங்க ட்யூஷன் ட்யூஷன்னே ஓடிக்கிட்டு இருப்பாங்க. காலையில ஒரு சப்ஜக்ட், மாலையில் ஒரு சப்ஜக்ட்னு. இந்த பெரிய நகரத்துல டிராபிக்ல போய் வர்றதுக்குள்ள பிள்ளைங்க வாடி வதங்கிடுவாங்க. ஆனா கொஞ்சம் எக்ஸ்ட்ரா ஹெல்பும் பிள்ளைகளுக்கு தேவைதான். என்ன செய்ய? இப்படி குழப்பம் இருந்தப்பதான் மண்டையில பல்பு எரிஞ்சது.

போன வருஷம் ஹைதை ஸ்கூலில் TIMES OF INDIA -NYE நடத்தின ஒரு பரிட்சையில் ஸ்கூல் லெவலில் செலக்ட் ஆனாப்ல. அதோட அடுத்த கட்ட தேர்வுக்கு தேர்வாகியிருந்தாப்ல. கச்சிபவுளிங்கற இடத்துல ஒரு ஞாயிற்றுக்கிழமை நடந்த பரிட்சைக்கு நாங்களும் கூட வரணும் சொன்னதால் போனோம்.  அங்க பிள்ளைகள் எல்லோருக்கும் பரிட்சை எழுத samsung tab.
கொடுக்கப்பட்டது. இதற்கான ஏற்பாட்டை செய்திருந்தது ஒரு நிறுவனம்.

பரிட்சை முடிஞ்சதும் பெற்றோர்களுக்கான வொர்க்‌ஷாப்னு ஆரம்பிச்சாங்க. அந்த நிறுவனத்தில் தலைவர் 6 முறை ஐஐடி எக்ஸாம் கிராக் செஞ்சிருக்கார். அவரால மட்டும் எப்படி முடிஞ்சதுன்னு அவரே யோசிச்சு, அதையே கான்சப்டாக்கி மத்தவங்களுக்கு சொல்லி கொடுக்க பாடத்திட்டத்தை உருவாக்கினார்னு சொல்லி அதற்கான டெமோ கொடுத்தாங்க. அதை பார்த்து அம்ருதம்மா செமையா வியந்து போனா. இப்படி சொல்லிக் கொடுத்தா எவ்வளவு நல்லா இருக்கும்னு சொன்னாப்ல.

அப்ப 10தான் என்பதால பரிட்சை முடியட்டும்னு இருந்தோம். இங்க வந்திட்டு இந்த ட்யூஷன், கோச்சிங் எல்லாம் விசாரிச்சு பாத்ததுக்கப்புறம் எதுவும் செட் ஆகலை. அதுவும் அம்ருதம்மாக்கு இங்க ஸ்கூல் 3.45 வரைக்கும். அப்புறம் வீட்டுக்கு வர 4.30 ஆகிடுது (ஹைதையில் 2.45கெல்லாம் வீட்டில் இருபாங்க) இதுக்கப்புறம் ட்யூஷன் போகணூம், அன்றைய பாடங்களை படிக்கணும் அப்படின்னு பாக்கையில ரொம்ப டய்ர்ட் ஆகிடுவேம்மான்னு சொல்லவும். ஹைதையில் பார்த்த அந்த நிறுவனம் ஞாபகத்துக்கு வந்தது. அவங்களுக்கு இங்க தொடர்பு ஏதும் இருக்கான்னு நெட்ல செக் செஞ்சப்ப சென்னையில் அவங்களுடைய கிளாஸ் ரூம் செஷன் கூட இருக்குன்னு தெரிஞ்சது.

போன் செஞ்சு பேசி டெமோல்லாம் வேணாம் எங்களுக்கு Tab போதும்னு சொன்னோம். மேலே தொடர்வதற்குள் அந்த நிறுவனம் அதை பத்தின விவரங்களை சொல்லிடறேன்.

BYJU's  இதான் அந்த நிறுவனம். இதோட வெப் பேஜ் இங்க.   நம்ம கிட்ட சாம்சங் டேப் இருந்ததுன்னா அவங்க கிட்ட கொடுத்தா அதுல பாடத்திட்டத்தை போட்டு கொடுப்பாங்க. இல்லாட்டி பதினொண்ணு மற்றும் பண்ணிரெண்டாம் வகுப்புக்கான பாடத்திற்கான பணத்தை சேத்து கட்டினோம்னா சாம்சங் டாப் இலவசமா வரும். அதுல முதலில் பதினோராம் வகுப்புக்கான பாடத்திட்டத்தை போட்டு கொடுப்பாங்க. CBSC, STATE BOARD  இரண்டு போர்ஷன்களையும் கவர் செய்யறாங்க. கிளாஸ் ரூம் செஷன்லயும் டேப் உண்டு. ஆனா அதில் மத்த கோச்சிங் மாதிரி இல்லாம. பதினொன்னு, பணிரெண்டு ரெண்டு வகுப்பு பாடத்தையும் கவனிக்கறாங்க. தேவையான டெஸ்ட்கள் வைக்கறாங்க. அதைத் தவிர ஐஐடி,ஜேயி கோச்சிங் உண்டு. ரேட்டும் அதுக்கு தக்க.

டேப்லெட்ல பாடத்திட்டத்துக்கு ஆகுற கட்டணம் மாசம் ட்யூஷனுக்கு 5000 கொடுக்கறாப்ல். ஆனா அதை நாம முன் கூட்டியே இங்க ரெண்டு வருஷ பாடத்துக்கும் சேத்து கட்டறோம். கிளாஸ் ரூம் செஷன் சனி, ஞாயிறு மட்டும் வந்தா போதும்னாங்க. அது கொஞ்சம் கூட. ஆனா நமக்கு அதுல இண்டரஸ்ட் இல்லை என்பதால அதைப்பத்தி விசாரிக்கலை. டேப்லட் மட்டும் வாங்கி கிட்டோம்.

cat, GMAT, IAS, GRE ஆகிய எல்லா எக்ஸாமுக்கும் டேப்லட்லயே பாடம் இருக்கு. பழக்கத்தில் இருக்கற சாம்சங்க் டேப்லட்தான் என்பதால அதை பிறகு நாம உபயோகிச்சுக்கவும் முடியும். இந்த பாடங்களை படிக்க ஆன்லைன்ல இருக்கணும்னு அவசியம் இல்லை.  பாடங்கள் ஆஃப்லைனிலேயே படிக்க முடியும் என்பதால பிள்ளைகள் படிப்புல டிஸ்ட்ராக்‌ஷனுக்கு வழி குறைவு.

அதை உபயோகபடுத்திகிட்டு இருக்கும் அம்ருதம்மாவின் மொழியில் அதோட உபயோகங்கள்.

1. வெளியே வெயிலில் எங்கேயும் அலைய தேவையில்லை. :)
2. எனக்கு எப்ப நேரம் இருக்கோ அப்ப டேப்லட்ல வீடியோ பாத்துக்கலாம்.
3. வீடியோவுலயும் ஒவ்வொரு சப்ஜக்ட்டும் ஒரு ஆசிரியர் இருந்து நேர்ல சொல்லிக்கொடுக்கறாப்ல தான் இருக்கு. தெளிவா படம் வரைஞ்சு விளக்கறாங்க. இண்டலக்சுவல் திங்கிங் லெவலுக்கு நமக்கு சொல்லி கொடுப்பதால நல்லா புரியுது.
4. ஸ்கூலில் சொல்லி கொடுத்தது புரிஞ்சிருக்குன்னா அதே வீடியோவில் நமக்கு தெரிஞ்சதுக்கு மேலே சொல்லிக்கொடுக்கறாங்க. டவுட் கிளியர் செய்யறாங்க.
5. ஒவ்வொரு சாப்டர் முடிஞ்சதும் நாம டெஸ்ட் எழுதறதுக்கு தக்க பேப்பர்கள் டேப்லயே இருக்கு.

இதே மாதிரி இன்னொரு சைட்டும் எனக்கு பிடிச்சிருக்கு. அதுல பைஜூஸ் மாதிரி லைவ் டீச்சிங் இல்லைன்னாலும் டவுட் கிளியர் செய்வது,  NCERT பாடப்புத்தகத்தின் ஒவ்வொரு கேள்விக்கும் விடைகள் தருவதுன்னு இதுவும் நல்லா இருக்கு.  MERITNATION .  இதுல ஃபீஸ் கொஞ்சம் நாமினலா இருக்கு.

எல்லோருக்கும் உதவும் என்பதால இதை பகிர்கிறேன்.


17 comments:

வெங்கட் நாகராஜ் said...

பலருக்கும் உதவும். பகிர்ந்து கொண்டதற்கு நன்றி.

Thanai thalaivi said...

ரொம்பவே உபயோகமான தகவல் கலா. என் பொண் இப்போ 8த் தான். இருந்தாலும் இந்த மாதிரி விஷயங்கள் எனக்கு ரொம்பவே மலைப்பா இருக்கும். இப்போ தைரியமா இருக்கு. அவளுக்கு அடுத்த வருஷம் இந்த கோச்சிங் குடுக்கலாமா? நாங்க அவுட்டாப் சிட்டிங்கரதால எல்லாத்துக்கும் சிட்டிகுள்ள வர்றதும் ரொம்ப கஷ்டமா இருக்கும்.

Appaji said...

தலைப்பே அசர வைக்குது ....
மிக உபயோகமான தகவல்....பகிர்ந்து கொண்டமைக்கு நன்றி...

Edna ModeOn said...

5 K * 24 months is 120K. That is lot. There are a lot online Materials for free (with better explanations, animation, etc). Go through them. That is enough. Save the money to send your daughter abroad to study. Getting exposure will make her a confident individual. She needs lot time to study herself in her comfort zone. Whatever she studies in school is enough to get an idea about the topics. She just has to do her part at home with those online materials. YouTube has lot free videos too. She just needs to figure out the best source for her and work with it (I sometimes use image-option to search the topics, easy to spot the best site). There are lot online Materials even for Post Grad level. They helped me to graduate with a first class from a world class university. Good luck to your daughter.

பரிவை சே.குமார் said...

கண்டிப்பாக அனைவருக்கும் உதவும்...
நல்ல பகிர்வு அம்மா...

புதுகைத் தென்றல் said...

வாங்க சகோ,

வருகைக்கும் கருத்துக்கும் மிக்க நன்றி

புதுகைத் தென்றல் said...

வாங்க தானைத்தலைவி,

BYJU's ல 8த் லேர்ந்து டேப் கோச்சிங் இருக்கு. சிபிஎஸ்சியா?

வருகைக்கு மிக்க நன்றி

புதுகைத் தென்றல் said...

வாங்க அப்பாஜி,

:) என்ன செய்ய நாம அப்படித்தானே யோசிப்போம். அதையே தலைப்பாக்கிட்டேன்.
வருகைக்கு மிக்க நன்றி

புதுகைத் தென்றல் said...

thanks edna.

that is really very informative. I was not aware of all these things. so when my son was in 11 and 12th per hour i have paid 400 rs. the class may go up to 2 to 3 hrs per day. as you told it was a quite a big money. other than this was transportation. when i compare with that i felt this is ok. I will ask my daughter to read your comment too. it may help other also.

Thanks once again.

புதுகைத் தென்றல் said...

வாங்க பரிவை குமார்.

வருகைக்கும் கருத்துக்கும் மிக்க நன்றி

Anuradha Prem said...

மிகவும் பயனுள்ள செய்திகள் ....பகிற்விற்கு நன்றி

‘தளிர்’ சுரேஷ் said...

உங்களுடைய இந்த பதிவு இன்றைய வலைச்சரம் http://blogintamil.blogspot.com/2015/07/thalir-suresh-day-7-part-2.html இல் அடையாளம் காட்டப்பட்டுள்ளது. நேரமிருப்பின் சென்று பார்க்கவும். நன்றி!

புதுகைத் தென்றல் said...

வாங்க அனுராதா ப்ரேம்,

வருகைக்கும் கருத்துக்கும் மிக்க நன்றி

புதுகைத் தென்றல் said...

வாங்க அனுராதா ப்ரேம்,

வருகைக்கும் கருத்துக்கும் மிக்க நன்றி

புதுகைத் தென்றல் said...

வாங்க சுரேஷ்,

தகவலுக்கு மிக்க நன்றி.

Unknown said...

pudhugai akka, you can try khanacademy.org. This is a US based free online education but the founder is an Indian. He has video lectures for IIT JEE preparation and some high school mathematics.

புதுகைத் தென்றல் said...

மிக்க நன்றி. இப்பதான் பின்னூட்டம் பார்த்தேன்.