BAG BAN - ஒரு விமர்சனம்.

2003 வெளிவந்த நான் பார்க்காமல் விட்ட திரைப்படம் இது.
கடந்தமுறை இந்தியா வந்திருந்த போது டீவியில்
ஒளிபரப்பிய போது பார்த்த்தேன். என்னை மிகவும் கவர்ந்த படம்.

அமிதாப் பச்சன், ஹேமாமாலினி ஜோடியாக
நடித்து வெளிவந்த இத்திரைப்படம்
ஓய்வுகாலத்தில் தன் பிள்ளைகளுடன் இருக்க
விரும்பும் பெற்றோர் சந்திக்கும் பிரச்சனைகளை
பற்றியது.

பிள்ளைகளுடன் காலத்தைக்கழிக்க விரும்புகிறார்கள்
அமிதாப்பும், ஹேமமாலினியும். ஆனால் பிள்ளைகள்
அதை விரும்ப வில்லை.

இருவரையும் ஒரேவீட்டில் வைத்துக்கொள்வதை விட
6 மாதம் அப்பா ஒரு இடம், 6 மாதம் அம்மா
ஒரு இடம் என்று முடிவு செய்கிறார்கள்.

வயதான காலத்தில் தன் துணையை விட்டு
பிரிவதை தாங்க முடியாத பெற்றோராகவும்,
பிள்ளைகளால் மரியாதைக்குறைவாக
நடத்தப்படுவதையும் சித்தரிக்கும் காட்சிகளில்
அமிதாப், ஹேமாவின் நடிப்பு சொல்ல வார்தைகளே இல்லை.

தன் துணையைப் பிரிந்த சோகத்தையும், பிள்ளைகளிடம்
படும் அவஸ்தையையும் ஒரு புத்தமாக
(பாக்பன் - தோட்டக்காரன்) எழுதுகிறார் அமிதாப்.
அந்தப் புத்தகம் பணப்பரிசையும், அவார்டையும்
பெற்ற உடன் பணத்திற்காக திரும்ப வருகிறார்கள்
பிள்ளைகள்.

அலோக் (சல்மான் கான்) எனும் அனாதை சிறுவனுக்கு
அமிதாப் படிக்கவும், பொருளுதவியும் செய்திருக்கிறார்.
அலோக் அமிதாப்பின் தத்துப்பிள்ளையாகிறார்.
நல்ல நிலையில் இருக்கும் சல்மான் அமிதாப்பை
தெய்வாம பூஜிக்கிறார்.

பணத்திற்காக திரும்ப வரும் பிள்ளைகளை ஒதுக்கிவிட்டு
மனைவியுடன், அலோக் வீட்டிற்கு செல்கிறார் அமிதாப்.

இது பாக்பன் திரைப்படத்தில் ஒரு காட்சி (ஆரம்பம்)



முழு படத்தையும் யூ ட்யூபில் பார்க்க இந்த லிங்கில்.

(ஒவ்வொரு பார்டாக போட்டிருக்கிறார்கள்)