WHO MOVED MY CHEESE?????????????????

முன்பு என் தோழி ஒருவர் படித்து பார் என்று
WHO MOVED MY CHEESE என்ற
புத்தகத்தை கொடுத்தார். படித்து முடித்தபின்
வாழ்க்கையின் தத்துவம் மிகத் தெளிவாகப் புரிந்தது.

வாழ்க்கை எப்போதும் ஒரே மாதிரி இராது.
இருக்கவேண்டும் என்று நினைத்தால் சில
சமயம் அது நம் முன்னேற்றத்திற்கு ஒரு
தடையாக ஆகிவிடக்கூடும்.

நாடோடி கூட்டத்தில் ஒரு கூட்டம்
போல் குடிசையை தூக்கிக்கொண்டு
அலைபவர்களில் நானும் ஒருத்தி.

ஊர் மாறுகிறோம் என்றால் எனக்கு
ஒரே கொண்டாட்டமாக இருக்கும்.
புது ஊரில் அட்ஜஸ்ட் செய்ய கஷ்டமாக
இருந்தாலும் அதில் கிடைக்கும் பயன்களை
நினைத்து பார்த்தால் நீங்களும் விரும்புவீர்கள்.

பல ஊர்களை பார்க்க, பலவித மனிதர்களுடன்
பழக, வேறு பாஷைகள் கற்க,
அந்த ஊரின் பாரம்பரியத்தை தெரிந்துக்கொள்ள,
ப்ரத்யேக சமையற்குறிப்புகளை கற்க...
இப்படி ஒரு பெரிய பட்டியலே தயாரிக்கலாம்.
இவைகளை நினைக்கும் போது குடிசையை
தூக்கிகொண்டு அலைவது கஷ்டமாக தெரியாது.

மாறுதலே இல்லாமல் இருந்துவிட்டால் வாழ்வில்
சுவை ஏது?

மாறுதல் ஏற்படும், மாற்றம் ஏற்படப்போவதை
புரிந்துகொள்ள வேண்டும், மாற்றம் ஏற்படுவதை
நாம் அவதானிக்க வேண்டும், மாற்றத்தை
ஏற்றுக்கொள்ள வேண்டும், மாறவேண்டும்,
மாற்றத்தை அனுபவிக்க வேண்டும்,
மாறியபின் அதையே கடைசி என்று
நினைத்துக்கொண்டு இராமல் அடுத்த
மாறுதலுக்கு நம்மை தயார் செய்து கொள்ள
வேண்டும்.

இதுதான் இந்தப் புத்தகத்தில் சொல்லப்பட்டிருக்கும்
விடயம். 2 எலி 2 மனிதர்களை கதாபாத்திரங்களாக
எடுத்துக்கொண்டு Spencer Johnson இந்தப்
புத்தகத்தை எழுதியுள்ளார். 1998 ஆம் ஆண்டு
வெளிவந்து 5 மில்லியன் பதிப்புகளைக் கண்ட
புத்தகம் இது. நமக்கு நல்ல ஊக்கத்தை
கொடுக்கும் புத்தகம் இது.

புத்தகம் வாசிக்க கிடைத்தால் வாசித்து
பாருங்கள்.

விக்கீபீடியாவில் இந்தப்புத்தகத்தை
பற்றிய தகவல்களுக்கு..