M .Sc Husbandology (முதுகலை இல்லறத்தியல்) பாடம்:3

இந்த வாரப் பாடம் என்னன்னு பாப்போமா?

சில ரங்கமணிகளுக்கு தான் எது செஞ்சாலும் கரீக்டா
செய்வோம்னு ஒரு ஓவர் கான்பிடன்ஸ்.

அதனால் தங்கமணிகள் எது செஞ்சாலும் குத்தம்.

சில ரங்கமணிகள் தான் சமைக்காவிட்டாலும்
அரிசி, பருப்பு, எல்லாம் அளந்து கொடுத்து
இன்னைக்கு இதுதான் சமையல்னு முடிவும்
அவங்க செஞ்சு கொடுக்கறதை பாவம் தங்கமணிகள்
செய்யணும்.


கடைவீதிக்கே அனுப்பறதில்லை என் பொண்டாட்டியை”!
அப்படின்னு சொல்லிகிட்டு ரங்கமணிகள் தானே
எல்லாம் வாங்கிகிட்டு வந்து கொடுத்திடுவாங்க.
அவங்க இஷ்டப்படிதான் சமைக்கணும்.

சில பேர் சமைக்கும் போது பக்கத்துல வந்து
நின்னுகிட்டு ,”கடுகு கொஞ்சமா போடு!”
“இம்புட்டு எண்ணையா?!”
”காயை இப்படி வதக்கு!!” அப்படி இப்படின்னு
சர்க்கஸ் ரிங்க் மாஸ்டர் மாதிரி செய்வாங்க.

இப்ப சமைக்கவா? வேணாமா?ன்னு தங்கமணிகள்
அழுகற அளவுக்கு நிலமை மோசமாயிடும்.
(இதுக்கு என்ன டீரிட் மெண்டுன்னு பாடத்தின்
கடைசில் சொல்றேன். :) )

சரி ரங்கமணிகள் இப்படி சதாய்க்க என்ன
காரணம்னு பாத்தீங்கன்னா?

கிட்டுமணியா இருந்த போது பெரும்பாலும்
வேலைக்காக வெளியூரோ, வெளிநாட்டிலோ
போய் இருக்காங்க.

ஊருல அம்மா அருமையா சமைச்சு போட்டாலும்
ஹோட்டலுக்கு போனவங்க கூட தனியா
இருக்கும் போது ”சுயபாகம்” தான்.(எல்லாம்
சிக்கன நடவடிக்கை.) இதுனால ஏதோ சுமாரா
சமைக்க வந்திருக்கறாதால!!!!! தன்னை
சமையலில் நளச்சக்கரவர்த்தி ரேஞ்சுக்கு
நினைச்சுகிட்டு இருப்பாங்க.

கல்யாணத்துக்கப்புறம் தங்கமணி என்ன சமைச்சாலும்
அவங்களுக்கு பிடிக்காக போவது இதனாலதான்.



'இப்படி இருந்த நான் எப்படி ஆயிட்டேன்'



இன்னொரு தங்கமணி அலுத்துக்கிறார் கேளுங்க:


’தேனே தென் பாண்டி மீனே
இசைத் தேனே மானே இளம்மானே’


-என்றெல்லாம் அன்று இசைத்து விட்டு இன்று
நொந்து நூடுல்ஸ் ஆனாப்ல பாடுகிறாராம்:


’கைதியானேன் உன்னாலே நானே
இழந்தேனே சுதந்திரம் இழந்தேனே
மறந்தேனே நண்பர்களை மறந்தேனே.’

-இன்னா விஷயம்னு கேட்டால் கிட்டுமணியா
இருந்தப்போ ” முடிஞ்ச்சா சமைக்கறது
இல்லாட்டி நாளொரு ஹோட்டல் தான்.

பொழுதொரு பார் தான்!”

இது ரங்கமணி ஆனதுக்கப்புறம் முடியலையாம்.

முடியுதோ முடியலையோ தங்கமணி
சமைச்சுத்தானே ஆகணும்.


வந்தலும் தொத்தலுமாக இருந்த ரங்கமணிகள்
தங்கமணிகளின் கைமணத்தில்+ கல்யாணத்துக்கப்புறம்
வீட்டு வேலை செய்ய தங்கமணி இருக்கறாதால
எந்த வேலையும் செய்யாம இருக்கறாதாலையும்
தொந்தியும் தொப்பையுமாய் உடம்பைத்
தேற்றிக் கொண்டு அப்படியே ப்ளேட்டைத் திருப்பிடுவாங்க:

'எப்படி இருந்த நான் இப்படி ஆயிட்டேன்'!



இது எப்படி இருக்கு? யாரை யார்
கைதியாக்கி வைத்திருப்பது?
யாரு நூடுல்ஸா நொந்து கிடக்கிறது?
யாரு செல்லமா வளர்த்த
அம்மா,அப்பா குடும்பத்தை மறந்து வந்திருப்பது?


எல்லா ரங்கமணியும் இப்படித்தான்னோ
எல்லா தங்கமணியும் சொக்கத்
தங்கமுன்னோ சொல்ல வரலீங்கோ.
ஆனா இங்கிட்டு சொல்லியிருக்கும் விசயத்தில்
ஏதாவது ஒண்ணையாவது நீங்க
செஞ்சிருந்தீங்கன்னா அப்போ
வரப் போற வாரத்துப் பாடங்கள்.

உங்களுக்குதாங்கோ மிஸ்டர். ரங்கு.

வர்ற்டா. அடுத்த வாரம் சந்திக்கலாம்.

*************************************************

டிஸ்கி:

ரங்கமணிகள் சர்க்கஸ் ரிங் மாஸ்டர் போல்
நடத்தினால் செய்ய வேண்டியது இதுதான்.

ரங்கமணிகள் டூவிலர் அல்லது கார் வெச்சிருந்தாங்கன்னா
அவங்களோட நீங்க வண்டியல போகும் போது,

முன்னால பாத்து ஓட்டுங்க,

”லெஃப்ட்ல வண்டி வருதுங்க,”

முன்னாடி ஸ்பீடு ப்ரேக்கர் இருக்குங்க!”

இப்படி இன்ஸ்ட்ரக்‌ஷன்ஸ் கொடுத்துகிட்டு வந்தீங்கன்னா
டென்ஷனாகி “இப்ப நான் வண்டி ஓட்டட்டுமா
வேணாமான்னு” கத்துவாங்க பாருங்க! அப்ப
கேளுங்க,” கிச்சன்ல சமைக்கும் போது நீங்க
இப்படித்தானே செய்யறீங்க.! எங்களுக்கு மட்டும்
டென்ஷன் இருக்காதான்னு”.

இந்த ட்ரீட்மெண்டை விடாம செஞ்சீங்கன்னா
நல்ல பலன் இருக்கும்.

**************************************
சென்ற வார மற்றும் இந்த வார பாடத்திட்டத்திற்காக
கவிதைகள் எழுதி தந்த நம்ம வலையுல
கவிக்குயி்லுக்கு மனமார்ந்த நன்றிகள்.