பாட்டு கேக்கணுமா???

ஒரு 15 அல்லது 20 வருஷத்துக்கு முன்னாடி, எல்லார் வீட்டுலயும்
காலையில் எந்திரிச்சதும் மொதல்ல காபி போடுவதோடு ரேடியோவையும்
ஆன் செய்வது வழக்கமா இருக்கும். பக்திமாலை, செய்திகள் இதோடு
7.30க்கு திரைப்படப்பாடல்கள் (திருச்சி வானொலியில்) அப்புறம்
விவிதபாரதியில் 9 - 10 ... ஆஹா என்ன ஒரு சுகமான அனுபவமா
இருந்துச்சு.

ரேடியோ கேட்டுகிட்டே தண்ணி பிடிச்சு ஊத்துவது, மத்த வேலைகளைச்
செய்வதுன்னு எந்த வேலையும் தங்கு தடையில்லாம ஓடிக்கிட்டு இருக்கும்.
அத்தோட அலுப்பு தெரியாம இருக்க ரேடியோ. வம்சம் படத்துல ஒரு
சீன் வரும் அதை ரொம்ப ரசிச்சேன். கதாநாயகி ரேடியோவுல பாட்டு
கேட்டுகிட்டு இருக்க, பக்கத்து வீட்டு பாப்பா வந்து,” எங்கம்மா
ரேடியோவை சத்தமா வெக்கச் சொன்னங்கன்னு” சொல்லும். கரண்ட்
கட்டானா பேட்டரி ரேடியோ வெச்சிருக்கவங்க வீட்டுக்கு ஓடிப்போய்
நாடகவிழா நாடகங்கள் கேட்டவங்க அதிகம்.

இப்படி நிறைய்ய கொசுவத்தி நமக்குள்ள இருக்கும். திரைப்படபாடல்கள்
இப்பொழுதையதைப் போல இல்லாமல் நெஞ்சை வருடும், மனதை
மயக்கும் ஒரு முக்கியமான காரணியா இருந்திருக்கு. படம் நல்லா
இல்லாட்டியும் பாடல்களால கலெக்‌ஷன் நிறைய்ய பாத்த படங்களும்
இருக்கு.

பாட்டு கேக்க இப்ப ரேடியோவை நம்பித்தான் இருக்கணும்னு இல்லை.
டேப்ரெக்கார்டரைத் தாண்டி, சிடி தாணி கைவிரலைவிடவும் சின்னதான
ஐபாட்டில் எம்புட்டோ பாடல்களை வெச்சுக்கிட்டு கேக்கலாம். ஆனாலும்
இந்தக் காதுல ஹெட் போன் வெச்சு கேப்பதை விட பேக்க்ரவுண்ட்ல
பாட்டு ஓடிக்கிட்டே இருக்கணும், நாம நம்ம வேலையை செய்யணும்.
அதுதான் சூப்பர். அதுவும் ஹெட்போன் அதிகமா உபயோகிச்சா தலைவலி
வர்றதோட காது சீக்கிரம் கேக்காம போகவும் வாய்ப்பு இருக்கு.

வலைத்தளத்துல நமக்குத் தேவையான பாடல்களை செலக்ட் செஞ்சு
கேக்க எத்தனையோ தளங்கள் இருக்கு.

WWW.Dhingana.com அப்படின்னு ஒரு வலைத்தளத்துல பாடல்கள் கிளாரிட்டி
நல்லா இருக்கு. தமிழ், ஹிந்தி, பக்தி பாடல்கள் இருக்கு. இதோ ஒரு
பாட்டு உங்களுக்காக.

music @ dhingana.com

எந்திரன் படத்து இந்த பாட்டு கிளாரிட்டி சூப்பர்!!!!

music @ dhingana.com

எப்பவும் வலைத்தளத்திலேயே கிடப்பவர்களுக்கு வேலையுடன்
பாடல் கேட்க இந்தத் தளமும் இருக்கிறது என்று சொல்ல ஆசைப்பட்டேன்.

எஞ்சாய்!!!!!